سەناتور جاننا اسانوۆا تۇرمىستىق زورلىق زومبىلىققا قاتىستى زاڭ جوباسى ەزٸرلەنگەننەن بەرٸ اتقارىلىپ جاتقان جۇمىستار جايلى جازبا جارييالادى, دەپ حابارلايدى "ۇلت اقپارات".
زاڭ جوباسى سەناتقا ۇسىنىلعاننان باستاپ جۇمىس توبىنىڭ 16-دان استام وتىرىسى مەن قوعام ٶكٸلدەرٸمەن كەزدەسۋلەر ٶتكٸزٸلگەن. سەنتوردىڭ ايتۋىنشا, اتالعان زاڭ جوباسىن جۇمىس توبىنىڭ مٷشەلەرٸ دە, تەۋەلسٸز ساراپشىلار دا قولداعان.
"زاڭ جوباسىندا: وتباسىلار مەن بالالارعا كٶمەك كٶرسەتۋ, ەيەلدەر مەن بالالارعا قاتىستى زورلىق-زومبىلىقتىڭ بارلىق نىساندارىن بولدىرماۋ, سونداي-اق زورلىق-زومبىلىقتىڭ قۇربانى بولعان ادامداردى قولداۋ جٶنٸندەگٸ ينفراقۇرىلىمدى قۇرۋ جٶنٸندەگٸ ٸس-شارالار كەشەنٸ. ەكٸنشٸ, زورلىق-زومبىلىق ەرەكەتتەرٸن جاساعانى ٷشٸن جاۋاپكەرشٸلٸكتٸ كٷشەيتۋ (سوعۋ جەنە دەنساۋلىققا قاساقانا جەڭٸل زييان كەلتٸرۋدٸ قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنەن قازاقستان رەسپۋبليكاسىنىڭ قىلمىستىق كودەكسٸنە اۋىستىرۋ ارقىلى قىلمىستىق تانۋ) مەسەلەلەرٸ قارالادى", - دەپ جازدى سەناتور ەلەۋمەتتٸك جەلٸ پاراقشاسىندا.
سونداي-اق, زاڭ جوباسى اياسىندا تالقىلاۋلار اياقتالعان.
"زورلىق-زومبىلىققا تٶزبەۋگە بايلانىستى جاسالىپ جاتقان قادامداردىڭ ماڭىزدىلىعى مەن قاجەتتٸلٸگٸن قوعامنىڭ تٷسٸنەتٸنٸ قۋانتادى. بۇل زاڭ بٸزدٸڭ ازاماتتاردى زورلىق-زومبىلىقتىڭ بارلىق تٷرٸنەن قورعاۋعا باعىتتالعان. باستى مٸندەتٸ بالالاردى اتا-اناسىنان «ايىرۋ» ەمەس, وتباسى مەن قوعامداعى زورلىق-زومبىلىقتىڭ الدىن الۋ, ولاردىڭ ٶسۋٸ مەن دامۋى ٷشٸن قاۋٸپسٸز جەنە قولايلى ورتانى قامتاماسىز ەتۋ", - دەدٸ جاننا اسانوۆا.
ونىڭ ايتۋىنشا, زورلىق-زومبىلىقپەن, ونىڭ ٸشٸندە تۇرمىستىق زورلىق-زومبىلىقپەن كٷرەسۋ تۇرعىسىندا سەنٸمدٸ اقپارات كٶزدەرٸنە سٷيەنۋ ٶتە ماڭىزدى.
"سەناتور زورلىق-زومبىلىققا قاتىستى ۇسىنىستاردى تالقىلاۋ ٷشٸن اتا-انالار وداعىمەن كەزدەسۋدٸ جوسپارلاعان. بٸراق بەلگٸسٸز سەبەپتەرمەن بۇل ۇيىمنىڭ ٶكٸلدەرٸ عيماراتقا كەلٸپ, جۇمىس ٸستەيتٸن اۋديتوريياعا كٸرۋدەن باس تارتقان. ۇسىنىستى تالقىلاۋ ٷشٸن 40 مينۋت كٷتكەننەن كەيٸن ولاردىڭ قاتىسۋىنسىز كەزدەسۋدٸ جالعاستىرۋعا مەجبٷر بولدىق . جۇمىس بارىسىندا وداقتىڭ ۇسىنىستارى جۇمىس توبى تاراپىنان قولداۋ تاپپادى. سەبەبٸ ٷندەۋدە زاڭ جوباسىنىڭ ماقساتتارى مەن مٸندەتتەرٸنە ەش قاتىسى جوق كٶپتەگەن قاتە تٷسٸندٸرمەلەر بار", - دەدٸ سەناتور جاننا اسانوۆا.
اۆتور: دۋلات جۋماگازين
