قازاقستان سوتتالۋشىلاردى ۇستاۋدىڭ كامەرالىق رەجيمٸنە كٶشۋدٸ جوسپارلاپ وتىر. بۇل تۋرالى قر ٸشكٸ ٸستەر مينيسترلٸگٸ قىلمىستىق اتقارۋ جٷيەسٸ كوميتەتٸنٸڭ تٶراعاسى جانات ەشماعامبەتوۆ ايتتى, دەپ حابارلايدى قازاقپارات.
«مەكەمەلەر نەگٸزٸنەن ٶتكەن عاسىردىڭ 30-شى, 50-شٸ جىلدارىندا سالىنعان. ولاردىڭ كٶپشٸلٸگٸ تەحنيكالىق تۇرعىدا ەسكٸرگەن. قىلمىستىق اتقارۋ جٷيەسٸندەگٸ نەگٸزگٸ پروبلەمالاردىڭ بٸرٸ - بۇل ۇستاۋدىڭ وتريادتىق باراكتىق جٷيەسٸ. ياعني, بٸر بٶلمەدە 100-200 سوتتالۋشى ۇستالدى. مۇنداي جاعدايدا قانداي دا تەربيەلٸك شارالار قولدانۋ ٶتە قيىن. سوتتالۋشىلار وسىلاي كٶپ شوعىرلانعاندا قىلمىستىق ورتانىڭ بٸرنەشە بەدەلدٸسٸ عانا سوتتالۋشىلاردىڭ زاڭعا مويىنسۇناتىن نەگٸزگٸ بٶلٸگٸنە تەرٸس ىقپال ەتە الادى. الدىڭعى قاتارلى ەلەمدٸك تەجٸريبەگە وراي, بٸز ۇستاۋدىڭ كامەرالىق رەجيمٸنە كٶشۋدٸ جوسپارلاپ وتىرمىز. وندا بٸر كامەرادا 6-دان ارتىق سوتتالۋشى بولمايدى», - دەدٸ كوميتەت تٶراعاسى ٸشكٸ ٸستەر مينيسترلٸگٸ الاڭىندا ٶتكەن باسپاسٶز مەسليحاتىندا.
ونىڭ دەرەگٸنشە, ەلٸمٸزدە وتريادتىق باراكتىق جٷيەدەگٸ 8 مەكەمە بار. ولاردا شامامەن 4 مىڭ ادام جازاسىن ٶتەپ جاتىر.
«ەڭ الدىمەن قولدانىستاعى عيماراتتارى مەن قۇرىلعىلارىن جاڭعىرتۋ قاجەتتٸلٸگٸ بار 6 مەكەمەنٸ ايقىنداپ الدىق. قازٸرگٸ ۋاقىتتا تەحنيكالىق-ەكونوميكالىق نەگٸزدەمەسٸ, جوبالىق-سمەتالىق قۇجاتتاماسى ەزٸرلەنگەن. ولاردىڭ قۇرىلىسۋى قارجىلاندىرۋعا جەنە ەكونوميكالىق احۋالدىڭ مۇنان ارى دامۋىنا تٸكەلەي بايلانىستى», - دەدٸ جانات ەشماعامبەتوۆ.
