UNCTAD دەرەكتەرٸنە سەيكەس COVID-19 پاندەميياسى سالدارىنان تۋىنداعان جاھاندىق ەكونوميكالىق داعدارىس نەتيجەسٸندە 2020 جىلى ەلەمدەگٸ تٸكەلەي ينۆەستيتسييالار كٶلەمٸ 42% تٶمەندەگەن.
بۇل ٷردٸسكە قاراماستان ٶتكەن جىلى تٷركييانىڭ قازاقستانداعى ينۆەستيتسييالار كٶلەمٸ 2019 جىلمەن سالىستىرعاندا 1,3% ارتىپ, 362,4 ملن. اقش دولل. قۇرادى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنٸڭ رەسمي سايىنا سٸلتەمە جاساپ.
اتالعان ينۆەستيتسييالار كٶلەمٸنٸڭ قازاقستاننىڭ تەۋەلسٸزدٸك جىلدارىندا تٷركييادان جىلدىق ەسەپتە تارتىلعان ەڭ ٷلكەن تاريحي رەكوردتىق كٶلەم بولعاندىعى ەرەكشە قۋانتادى. بۇنىڭ الدىندا ەڭ كٶپ ينۆەستيتسييا تٷركييادان 2007 جىلى 347,6 ملن. دولل. كٶلەمٸندە جەنە 2019 جىلى 357,8 ملن. دولل. كٶلەمٸندە تارتىلعان بولاتىن.
قازاقستاننىڭ تٷركيياداعى ەلشٸسٸ ابزال ساپاربەكۇلى: «كوروناۆيرۋس پاندەميياسىنا قاراماستان, 2020 جىلى تٷركييالىق كومپانييالارمەن تٷرلٸ فورماتتاردا 400-دەن استام كەلٸسسٶز ٶتكٸزٸپ, 30 ەلەۋەتتٸ ينۆەستوردىڭ قازاقستانعا ساپارىن ۇيىمداستىردىق. 2020 جىلدىڭ قورىتىندىسى بويىنشا باۋىرلاس تٷركييالىق كومپانييالاردىڭ ينۆەستيتسييالارىمەن تٷركٸستان, سولتٷستٸك قازاقستان, جامبىل, پاۆلودار, قوستاناي وبلىستارى مەن نۇر-سۇلتان, الماتى جەنە شىمكەنت قالالارىندا جالپى قۇنى 190 ملن. دولل. شاماسىندا جاڭا 8 جوبا ٸسكە قوسىلدى. جوبالار قاتارىنا تٷركٸستان حالىقارالىق ەۋەجايىنىڭ قۇرىلىسى, دىمقىل مايلىقتار, قاپتالعان فانەرا, ۇن ٶندٸرٸستەرٸمەن بٸرگە مەديتسينالىق دياگنوستيكالىق ورتالىقتاردىڭ جەنە كٶپ دەڭگەيلٸ پاركينگتٸڭ اشىلۋ باستامالارى كٸرەدٸ» دەپ مەلٸمدەدٸ.
سىرتقى ٸستەر مينيسترٸنٸڭ ورىنباسارى الماس ايداروۆتىڭ ايتۋىنشا: «تٷركييا باۋىرلاس مەملەكەت رەتٸندە قازٸرگٸ تاڭدا قازاقستانداعى ەڭ بەلسەندٸ شەتەلدٸك ينۆەستور قاتارىنا كٸرەدٸ. وسى جىلدىڭ سوڭىنا دەيٸن تٷركييالىق ينۆەستورلاردىڭ قاتىسۋىمەن گازەلەكتر پليتالارى, كونديتەرلٸك ٶنٸمدەر, جايالىقتار, مينەرالدى سۋلار مەن سۋسىندار, FFP2-3 يندۋستريالدى جەنە مەديتسينالىق رەسپيراتورلار, تٸركەمەلەر, تىڭايتقىشتار مەن تٶمەن ۆولتتى كابەلدەردٸڭ ٶندٸرٸسٸ جەنە قازاندىق جىلۋ كٶزٸ مەن توموتەراپييا ورتالىعىنىڭ قۇرىلىستارىن قامتيتىن 10 جاڭا جوبانى ٸسكە قوسۋدى جوسپارلاۋدامىز».
جالپى 2023 جىلعا دەيٸن قازاقستانداعى تٷركييالىق ينۆەستيتسييالىق جوبالاردىڭ سانىن 2016 جىلمەن سالىستىرعاندا كەمٸندە ەكٸ ەسە ارتتىرۋ جوسپارلانعان.
سونىمەن قاتار, تٷركييا ساۋدا مينيسترلٸگٸنٸڭ «تٷركييانىڭ شەت ەلدەردەگٸ ينۆەستيتسييالارى تۋرالى ەسەبٸنە» سەيكەس سوڭعى تٶرت جىلدىڭ ٸشٸندە قازاقستاننىڭ پوزيتسيياسى تٷركييالىق كومپانييالارعا ينۆەستيتسييا ٷشٸن ەڭ تارتىمدى ەلدەردٸڭ اراسىندا 14 ورىنعا جاقسارعان.
بٷگٸندە ٶڭدەۋ ٶنەركەسٸبٸ مەن مەملەكەتتٸك-جەكەمەنشٸك سەرٸكتەستٸگٸ مەحانيزمٸ شەڭبەرٸندە قازاقستانعا ينۆەستيتسييا سالعان جاھاندىق تٷركييالىق حولدينگتەر اراسىندا «Yildiz Holding», «Yildirim Holding», «YDA Holding», «Abdi Ibrahim», «Aselsan», «Anadolu Endustri Holding», «Borusan Holding», «TAV Havalimanlari Holding», «Ulkar Holding» جەنە تاعى باسقالارى بار.
تٷركييالىق ينۆەستيتسييالاردىڭ ارتۋىنا ەكٸ ەلدٸڭ ٶزارا جوعارى دەڭگەيدەگٸ ساپارلارى ٷلكەن سەرپٸن بەرۋدە. اتاپ ايتقاندا, قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ انكاراعا 2018 جىلعى, پرەمەر-مينيستر اسقار ماميننٸڭ 2019 جىلعى جەنە پرەمەر-مينيستردٸڭ ورىنباسارى مۇحتار تٸلەۋبەردٸنٸڭ 2021 جىلعى تٷركيياعا ساپارلارى بارىسىندا ايتارلىقتاي ماڭىزدى ۋاعدالاستىقتارعا قول جەتكٸزٸلگەن بولاتىن.
