تٷركييا ەۋروپا وداعىنا بارعىسى كەلەتٸن بوسقىندارعا كەدەرگٸ جاسامايتىنىن مەلٸمدەگەن سوڭ سيرييا مەن ٶزگە دە ەلدەردەن شىققان 13 مىڭنان استام بوسقىن تٷركييا مەن گرەكييا شەكاراسىنا جينالدى. بۇل اقپاراتتى 1 ناۋرىزدا بٸرٸككەن ۇلتتار ۇيىمى جارييالادى.
گرەكييا بيلٸگٸ ٶتكەن تەۋلٸكتەردە تيٸستٸ قۇجاتى جوق 10 مىڭعا جۋىق ميگرانتتى توقتاتقانىن راستادى. تٷركييادان گرەكييانىڭ ەگەي تەڭٸزٸندەگٸ ارالدارىنا 500-گە جۋىق بوسقىن كەلگەن.
تٷرٸك بيلٸگٸ ٶز اۋماعىنىنان ەۋروپا وداعىنا قاراي سوڭعى بٸرنەشە كٷندە 75 مىڭ ميگرانت كەتكەنٸن ايتادى. بۇعان دەيٸن گرەكييا شەكاراسىندا ميگرانتتارمەن پوليتسييا قاقتىعىسقانى جايلى حابار تاراعان. پوليتسييا كٶزدەن جاس اعىزاتىن گاز قولدانىپ, گرەكيياعا كٸرگٸسٸ كەلەتٸن بوسقىندار تاس لاقتىرعان.
تٷركييادا قازٸرگٸ ۋاقىتتا 3,5 ميلليوننان استام بوسقىن بار. ونىڭ باسىم كٶپشٸلٸگٸ 9 جىلدان بەرٸ ازامات سوعىسى مەن كەيبٸر ەلدەردٸڭ ينتەرۆەنتسيياسى جٷرٸپ جاتقان سيرييادان قاشىپ شىققاندار. رەسەيدٸڭ قولداۋىمەن سيرييا پرەزيدەنتٸ باسار اشاد ەسكەرٸ تٷركييا ەسكەرٸنە شابۋىل جاساعان سوڭ تٷركييا بوسقىندار مەسەلەسٸنە بايلانىستى ساياساتىن ٶزگەرتەتٸنٸن جارييالاعان.
ەردوعان «تٷركييا بوسقىندارعا ەۋروداقپەن شەكارانى اشاتىنىن, ٶيتكەنٸ ەۋروداق قارجىلاي كٶمەكتەسەتٸنٸ جايلى ۋەدەسٸن ورىنداماعانىن جەنە سيرييا كونفليكتٸسٸن رەتتەۋگە بەلسەندٸ قاتىسپاي وتىرعانىن» مەلٸمدەگەن.
