تٷركيياداعى جەر سٸلكٸنٸسٸنەن قازا تاپقاندار سانى 79 ادامعا جەتتٸ, دەپ حابارلادى ەلدٸڭ تٶتەنشە جاعدايلار جەنە تابيعي اپاتتار اگەنتتٸگٸ. اپات ايماعىندا قۇتقارۋ جۇمىستارى جالعاسىپ جاتىر.
بۇعان دەيٸن ريا نوۆوستي تٷرٸكتٸڭ بۇقارالىق اقپارات قۇرالدارىنا سٸلتەمە جاساپ قايتىس بولعاندار سانى 76-عا جەتكەنٸن جازعان ەدٸ.
ال تٷركييانىڭ "انادولۋ" اقپارات اگەنتتٸگٸ زارداپ شەككەندەردٸڭ بٸرٸ ٷيٸندٸ استىنان 33 ساعاتتان كەيٸن قۇتقارىلعانىن حابارلادى.
سونىمەن قاتار قازٸرگە دەيٸن تابيعي اپاتتان 962 ادامنىڭ جاراقات العانى بەلگٸلٸ.
ايتا كەتەيٸك, 30 قازاندا كٷندٸز تٷركييانىڭ باتىسىندا ماگنيتۋداسى 6,6 بالدىق جەر سٸلكٸنٸسٸ بولدى. زٸلزالا ەپيتسەنترٸ – ەگەي تەڭٸزٸندە, يزمير پروۆينتسيياسىنىڭ سەفەريحيسار قالاسىنىڭ ماڭى. جەراستى دٷمپۋلەرٸ جاقىن ماڭداعى گرەكييا ارالدارىندا دا سەزٸلدٸ. گرەكييا سەيسمولوگتارىنىڭ مەلٸمەتٸنشە, ونىڭ ماگنيتۋداسى 6,9 بالعا جەتكەن.
زٸلزالا سالدارىنان يزميردە جيىرما شاقتى عيمارات قيرادى. جەر سٸلكٸنٸسٸنٸڭ ەسەرٸنەن تسۋنامي بولىپ, سەفەريحيسار كٶشەلەرٸن سۋ باستى.
ال گرەكييانىڭ ساموس ارالىندا ەكٸ ادام قازا تاۋىپ, جيىرما ادام زارداپ شەكتٸ.
