Túrkiiadaǵy jer silkinisinen qaza tapqandar sany 79 adamǵa jetti, dep habarlady eldiń tótenshe jaǵdailar jáne tabiǵi apattar agenttigi. Apat aimaǵynda qutqarý jumystary jalǵasyp jatyr.
Buǵan deiin RIA Novosti túriktiń buqaralyq aqparat quraldaryna silteme jasap qaitys bolǵandar sany 76-ǵa jetkenin jazǵan edi.
Al Túrkiianyń "Anadolý" aqparat agenttigi zardap shekkenderdiń biri úiindi astynan 33 saǵattan keiin qutqarylǵanyn habarlady.
Sonymen qatar qazirge deiin tabiǵi apattan 962 adamnyń jaraqat alǵany belgili.
Aita keteiik, 30 qazanda kúndiz Túrkiianyń batysynda magnitýdasy 6,6 baldyq jer silkinisi boldy. Zilzala epitsentri – Egei teńizinde, Izmir provintsiiasynyń Seferihisar qalasynyń mańy. Jerasty dúmpýleri jaqyn mańdaǵy Grekiia araldarynda da sezildi. Grekiia seismologtarynyń málimetinshe, onyń magnitýdasy 6,9 balǵa jetken.
Zilzala saldarynan Izmirde jiyrma shaqty ǵimarat qirady. Jer silkinisiniń áserinen tsýnami bolyp, Seferihisar kóshelerin sý basty.
Al Grekiianyń Samos aralynda eki adam qaza taýyp, jiyrma adam zardap shekti.
