تٷركييانىڭ ستامبۋل قالاسىندا كٷرەس تٷرلەرٸنەن رەيتينگٸلٸك «ياشار دوگۋ» تۋرنيرٸ باستالدى. بٸرٸنشٸ جارىس كٷنٸندە گرەك-ريم كٷرەسٸنٸڭ بالۋاندارى بەلدەستٸ, دەپ حابارلايدى Olympic.kz.
55 كەلٸدە فينالدا بەلدەسكەن امانعالي بەكبولاتوۆ كٷمٸس جٷلدەگەر اتاندى. ول اقتىق سىندا تٷركييالىق ادەم بۋراك ۇزىنمەن كەزدەسٸپ, 5:6 ەسەبٸمەن قارسىلاسقا جول بەردٸ.
وسى سالماقتاعى مارلان مۇقاشەۆ قولا جٷلدە ٷشٸن كٷرەستە قارسىلاسىنا جول بەردٸ.
60 كەلٸ سالماقتا قازاقستاندىق ەرنار فيداحمەتوۆ توپ جاردى. ول فينالدا تٷرٸك بالۋانى ەكرەم ٶزتٷركتٸ جەڭگەن. ەرناردىڭ باۋىرى ەرنۇر فيداحمەتوۆ وسى سالماقتا قولا جٷلدەگەر اتاندى.
63 كەلٸدە ەل نامىسىن قورعاعان ايدوس سۇلتانعالي مەن عالىم قابدىنازاروۆ جٷلدەگە ٸلٸككەن جوق.
67 كەلٸدەگٸ مەيٸرجان شەرماحانبەت تۋرنيردٸڭ قولا جٷلدەسٸن جەڭٸپ الدى. ول جارتىلاي فينالدا نورۆەگييالىق مورتەن توررەنسوننان جەڭٸلگەن. سۇلتان ەسەتۇلى مەن دانييار قالەنوۆ العاشقى اينالىمداردا ۇتىلعان.
87 كەلٸدەگٸ ۋمالت داۋدوۆ قولا جٷلدە ٷشٸن كٷرەستە تٷركييالىق بالۋانعا ەسە جٸبەرسە, 97 كەلٸدەگٸ ۋماەۆ تا قولا مەدالدان ايىرىلىپ قالدى.
