فوتو: tilalemi.kz
تٷركييادا قازاق تٸلٸن ٷيرەنگٸسٸ كەلەتٸندەردٸڭ قاتارى ارتىپ كەلەدٸ, دەپ حابارلايدى 24.kz.
العاش رەت بىلتىر انكارا ۋنيۆەرسيتەتٸنٸڭ تٸل وقىتۋ ورتالىعىندا قازاق تٸلٸ كۋرسى اشىلعان ەدٸ. بٸر جىلدا 50-دەن استام ادام تٸلدٸ ەركٸن مەڭگەرٸپ شىقتى. تٸلٸ باسقا بولسا دا, تٸلەگٸ بٸر بۇل حالىق قازاق تٸلٸنە ەرەكشە قىزىعادى. سول سەبەپتٸ ستۋدەنتتەر عانا ەمەس, تٷرلٸ سالادا ەڭبەك ەتٸپ جٷرگەن بٸلٸكتٸ ماماندار دا تٸلدٸ ٷيرەنٸپ جٷر. كەستەسٸ تىعىز بولسا دا, ەر ساباقتى قالت جٸبەرمەيدٸ. تٸپتٸ كۋرسقا قازاق مەدەنيەتٸن زەرتتەپ جٷرگەن جاس عالىمدار دا قاتىسىپ جٷر.
"قازاق تٸلٸن بٸر جىلدان بەرٸ ٷيرەنٸپ جٷرمٸن. قازٸرگٸ تاڭدا ەركٸن مەڭگەردٸم. نەگٸزٸ تٷرٸك تٸلٸنە ۇقساس بولعاندىقتان قازاق تٸلٸن ٷيرەنۋ قيىن بولعان جوق", - دەيدٸ ەگە ۋنيۆەرسيتەتٸنٸڭ PHD دوكتورانتى حايات دەنيز يلتاش.
دەرٸستٸ قازاق ەمەس, تٷرٸك وقىتۋشى ٶتكٸزەدٸ. ۇلتى باسقا بولسا دا, قازاقتىڭ ۇلتتىق قۇندىلىعىن ەركٸن مەڭگەرگەن. ەر ساباقتا بٸلٸم الۋشىلارعا حالقىمىزدىڭ دەستٷرٸ مەن باي مەدەنيەتٸن دەرٸپتەپ وتىرادى.
"قازاق تٸلٸنە سۇرانىس, تالاپ بولىپ جاتىر. كٶبٸنەسە ۋنيۆەرسيتەتٸمٸزدٸڭ ستۋدەنتتەرٸ كەلٸپ ٷيرەنٸپ جاتىر. جۇمىس ٸستەپ جٷرگەن قىزمەتكەرلەر دە قازاقشا ٷيرەنگٸسٸ كەلەدٸ", - دەيدٸ تٸل وقىتۋ ورتالىعىنىڭ وقىتۋشىسى سەۆيل كارامان.
تەك قانا ٷيرەنٸپ شىعۋمەن شەكتەلمەيدٸ, قازاق تٸلٸندە ٶلەڭ جازاتىندار دا بار. تٸپتٸ ەن ايتاتىندار بار. قازاقشا ەركٸن سٶيلەپ جٷرگەندەر دە كٶبەيٸپ كەلەدٸ.
ساباق تٷرٸك تٸلدٸ اۋديتوريياعا ارنالعان وقۋ قۇرالى ارقىلى ٶتكٸزٸلەدٸ. وقۋلىقتى ەكٸ جىل بۇرىن جەرگٸلٸكتٸ ۇيىمدارمەن بٸرلەسٸپ, "تٸل-قازىنا" ۇلتتىق عىلىمي-پراكتيكالىق ورتالىعى ەزٸرلەگەن. بۇل – باستاپقى دەڭگەيگە ارنالعان. ەندٸ ورتالىق ماماندارى ورتا دەڭگەي بويىنشا وقۋ قۇرالىن باسىپ شىعارۋدى جوسپارلاپ وتىر.
"قازاق تٸلٸ كۋرسىن اشۋعا تٷرٸك تاريحى, مەدەنيەت قورى مەن انكاراداعى قازاقستان ەلشٸلٸگٸ مۇرىندىق بولدى. بٸزدٸڭ ماقساتىمىز – تٷركييا مەن قازاقستان اراسىنداعى ديپلوماتييالىق قارىم-قاتىناستى نىعايتىپ, مەدەني ىنتىماقتاستىقتى ودان ەرٸ جەتٸلدٸرۋ. سول سەبەپتٸ وسى باعىتتاعى مٸندەتٸمٸزدٸ جالعاستىرا بەرەمٸز", - دەپ اتاپ ٶتتٸ تٸل وقىتۋ ورتالىعىنىڭ ديرەكتورى, پروفەسسور تيمۋر گٷلتەكين.
قازاق تٸلٸنە قىزىعۋشىلىقتىڭ ارتۋى قوس ەل اراسىنداعى دوستىق پەن مەدەني بايلانىستىڭ نىعايىپ كەلە جاتقانىن كٶرسەتەدٸ. بۇل باستاما تٷركٸ حالىقتارىنىڭ ىنتىماقتاستىعىن دا كٷشەيتە تٷسپەك.
