تٷركييا بيلٸگٸ 29 سەۋٸر مەن 17 مامىر ارالىعىندا ەل اۋماعىندا تولىق لوكداۋن ەنگٸزەدٸ, دەپ حابارلايدى انادولى اگەنتتٸگٸ.
بۇل جايىندا دٷيسەنبٸ كٷنٸ تٷركييا پرەزيدەنتٸ رەجەپ تايىپ ەردوعان مينيسترلەر كابينەتٸنٸڭ وتىرىسىنان كەيٸن مەلٸمدەگەن. جيىننىڭ ترانسلياتسيياسى NTV تەلەارناسىنان كٶرسەتٸلدٸ.
«29 سەۋٸر 19.00 باستاپ 17 مامىر تاڭعى 05.00 دەيٸن ەل اۋماعىندا تولىق لوكداۋن كٷشٸنە ەنەدٸ. بٷكٸل كەڭسەلەر, جۇمىس ورىندارى (ٸشكٸ ٸستەر مينيسترلٸگٸ تاراپىنان كەلٸسٸلگەن مەكەمەلەردەن باسقاسى) تٷگەل جابىلادى. قالاارالىق تاسىمال تەك ارنايى رۇقساتپەن عانا جٷزەگە اسىرىلادى. قوعامدىق كٶلٸك تەك 50 پايىز تولعاندا عانا جٷرەدٸ» دەدٸ رەجەپ تايىپ ەردوعان.
قازاقستاندا كوروناۆيرۋستىڭ تارالۋىنا قارسى ۆەدومستۆوارالىق كوميسسييانىڭ مەلٸمەتٸنە سەنسەك, 16 سەۋٸر كٷنٸ تٷركييادا كوروناۆيرۋس جۇقتىرعاندار سانىنىڭ كٷندەلٸكتٸ ٶسٸمٸ پاندەمييا باستالعاننان بەرگٸ ماكسيمۋمدى كٶرسەتكەن - 63 082 جاعداي.
21 سەۋٸر كٷنگٸ ٶلٸم-جٸتٸم سانىندا دا تەۋلٸكتٸك جوعارى كٶرسەتكٸش تٸركەلدٸ - بٸر كٷندە 362 ناۋقاس قايتىس بولعان.
