Túrkiia biligi 29 sáýir men 17 mamyr aralyǵynda el aýmaǵynda tolyq lokdaýn engizedi, dep habarlaidy Anadoly agenttigi.
Bul jaiynda dúisenbi kúni Túrkiia prezidenti Rejep Taiyp Erdoǵan ministrler kabinetiniń otyrysynan keiin málimdegen. Jiynnyń transliatsiiasy NTV telearnasynan kórsetildi.
«29 sáýir 19.00 bastap 17 mamyr tańǵy 05.00 deiin el aýmaǵynda tolyq lokdaýn kúshine enedi. Búkil keńseler, jumys oryndary (Ishki ister ministrligi tarapynan kelisilgen mekemelerden basqasy) túgel jabylady. Qalaaralyq tasymal tek arnaiy ruqsatpen ǵana júzege asyrylady. Qoǵamdyq kólik tek 50 paiyz tolǵanda ǵana júredi» dedi Rejep Taiyp Erdoǵan.
Qazaqstanda koronavirýstyń taralýyna qarsy vedomstvoaralyq komissiianyń málimetine sensek, 16 sáýir kúni Túrkiiada koronavirýs juqtyrǵandar sanynyń kúndelikti ósimi pandemiia bastalǵannan bergi maksimýmdy kórsetken - 63 082 jaǵdai.
21 sáýir kúngi ólim-jitim sanynda da táýliktik joǵary kórsetkish tirkeldi - bir kúnde 362 naýqas qaitys bolǵan.
