تۋريزم سالاسىن دامىتۋدا تٷركييا ەلەم بويىنشا جەتەكشٸ ورىندا. ەل ەكونوميكاسىنان تٷسەتٸن باستى كٸرٸستەردٸڭ بٸرٸ تۋريزم سالاسىنا تيەسٸلٸ.
بۇل تۋرالى الماتىدا قازاق جۋرناليستەرمەن كەزدەسكەن تٷركييا مەدەنيەت جەنە تۋريزم مينيسترلٸگٸنٸڭ ورتالىق ازييا مەن كاۆكاز ايماعىنداعى كەڭەسشٸسٸ الپارسلان اكىندجى مىرزا مەلٸمدەدٸ: “2022 جىلعى دەرەكتەرگە سەيكەس, بىلتىر تٷركيياعا كەلگەن تۋريستەر سانى 51,4 ميلليوننان استى. بۇل ٸندەت باستالماي تۇرعاندا (2019 جىلى) رەكورد بولعان 51,8 ميلليوننىڭ 99 پايىزىنا تەڭ. وسىلايشا, تۋريزم سالاسى بويىنشا تٷركييا ەلەم بويىنشا 3-ورىن الدى. 2022 جىلى تٷركييانىڭ تۋريزم كٸرٸسٸ 2019 جىلمەن سالىستىرعاندا 19 پايىزعا ارتىپ, رەكوردتىق كٶرسەتكٸشكە جەتتٸ. بۇل 46,3 ميلليارد دوللارعا تەڭ. بولاشاقتا 90 ميلليون تۋريست ەكەلٸپ, كٸرٸسٸمٸز 2028 جىلعا قاراي 100 ميلليارد دوللارعا جەتەدٸ”.
الپارسلان اكىندجى مىرزانىڭ پٸكٸرٸنشە, ۇلى جٸبەك جولىن دامىتا وتىرىپ, تٷركييادان قازاقستانعا تۋريستەر تارتۋ دا ٶتە ماڭىزدى. وسىلايشا, قازاق ەلٸنٸڭ ٸشكٸ تۋريزمٸن دامىتۋعا مٷمكٸندٸك تۋادى: “تۋريزم سالاسى تۋرالى مەسەلە كٶتەرٸلگەندە ماماندار دايىنداۋعا كٶڭٸل بٶلٸنۋٸ تيٸس. جوعارى وقۋ ورىندارىندا تۋريستەرگە قىزمەت كٶرسەتەتٸن سالالاردا مامان تاپشىلىعى پايدا بولۋى مٷمكٸن. لوگيستيكانى دامىتۋ نازاردان تىس قالماۋى تيٸس”.
تٷركييا وتاندىق تۋريزمدٸ دامىتۋدا ماركەتينگكە نازار اۋدارادى. ول – جاھاندىق تۇراقتى تۋريزم كەڭەسٸمەن (GSTC) ٷكٸمەت دەڭگەيٸندە ىنتىماقتاستىق تۋرالى كەلٸسٸمگە قول قويعان ەلەمدەگٸ العاشقى ەل. نەتيجەسٸندە 2030 جىلدىڭ سوڭىنا دەيٸن 3 قادامدىق جوسپاردى بەكٸتەدٸ جەنە تٷرٸكتەر ەلٸندە 100 پايىز تۇراقتى تۋريزم ەكوجٷيەسٸ قالىپتاسادى. برەندينگ جەنە جاھاندىق تانىتۋ ٸس-شارالارى جىلدان-جىلعا ارتىپ, 2028 جىلدىڭ سوڭىنا قاراي تۋريزمگە قاتىستى 9 باعىت پەن 20 ٶنٸم قوسالقى برەندٸ پايدا بولادى. وسى ماقساتتا 2028 جىلعا قاراي ماركەتينگتٸك كوممۋنيكاتسييالار بيۋدجەتٸ 225 ميلليون دوللارعا تەڭگەرٸلمەك.
الپارسلان اكىندجى مىرزانىڭ ايتۋىنشا, تٷركييا تۋريزمدٸ ناسيحاتتاۋ ٸس-شارالارىندا كەيبٸر ناقتى سالالارعا نازار اۋدارادى. ۆەلوسيپەد تۋريزمٸنە ەرەكشە نازار اۋدارا وتىرىپ, سەنٸم, گاسترونومييا جەنە سپورت تۋريزمٸ دامىتىلادى. تٷركييا ٷشٸن دەنساۋلىق تۋريزمٸ دە ٶتە ماڭىزدى. سونىمەن قاتار جىل ون ەكٸ اي تٷرٸكتەردٸڭ 81 قالاسىنا تۋريستەردٸڭ ٷزٸلمەۋٸن قامتاماسىز ەتۋدٸ قاراستىرادى. ارحەولوگييالىق جەدٸگەرلەر ساقتالعان ايماقتارعا تارتىمدى باعىتتار ۇسىنا وتىرىپ, ەلەمدەگٸ ەڭ كٶنە نەوليت ورنى سانالاتىن تاش تەپەلەر ايماعىنداعى ارحەولوگييالىق قازبا جۇمىستارىن جالعاستىرادى. سيدە-انتالييا, گٶرەمە-كاپادوكييا, يزميردەگٸ پەرگامون جەنە اسلەپيون جەرلەرٸندە, ليكييا جولىندا جاڭا ارحەولوگييالىق ساياباقتاردى اشادى.
نەزييا جويامەرگەنقىزى
