فوتو: Akorda.kz
قاسىم-جومارت توقاەۆ تٷركٸ مەملەكەتتەرٸ ۇيىمىنىڭ ح سامميتٸنە قاتىسۋ ٷشٸن استاناعا كەلگەن تٷركييا پرەزيدەنتٸ رەجەپ تاييپ ەردوعانمەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى تٷركييا پرەزيدەنتٸنٸڭ قازاقستانعا ساپارىنىڭ مەنٸ زور ەكەنٸن اتاپ ٶتٸپ, بٷگٸنگٸ كەزدەسۋ ەكٸ ەلدٸڭ كٶپجاقتى قارىم-قاتىناسىن نىعايتۋعا جەنە تٷركٸ ەلەمٸن دامىتۋعا تىڭ سەرپٸن بەرەتٸنٸنە نازار اۋداردى. قاسىم-جومارت توقاەۆ سامميت بارىسىندا كٶتەرگەن ماڭىزدى باستامالارى مەن سالماقتى وي-پٸكٸرلەرٸ ٷشٸن رەجەپ تاييپ ەردوعانعا العىس ايتتى.
– قادٸرلٸ باۋىرىم, اتاجۇرتقا قوش كەلدٸڭٸز! تٷركييا – بٸزدٸڭ ەجەلدەن ەنشٸسٸ بٸر, تامىرلاس تۋىسىمىز. سونداي-اق قازاقستاننىڭ ەڭ جاقىن ەرٸ سەنٸمدٸ ستراتەگييالىق سەرٸكتەسٸ. سٸز ٶزارا قارىم-قاتىناستى دامىتۋعا وراسان زور ٷلەس قوسىپ كەلەسٸز. مەن ونى جوعارى باعالايمىن. اراداعى تۇراقتى كەلٸسسٶزدەردٸڭ ارقاسىندا بٷگٸندە كٶپتەگەن كەلٸسٸمدەرٸمٸز تابىستى جٷزەگە اسىرىلۋدا. بىلتىر ەكٸجاقتى تاۋار اينالىمى 54 پايىزعا ٶسٸپ, 6,3 ميلليارد دوللار بولدى. وسى كٶرسەتكٸشتٸ 10 ميلليارد دوللارعا دەيٸن جەتكٸزۋدٸ كٶزدەپ وتىرمىز. تٷركييا – ەلٸمٸزدٸڭ نەگٸزگٸ تٶرت ساۋدا سەرٸكتەسٸنٸڭ بٸرٸ. ينۆەستيتسييالىق ىنتىماقتاستىق قارقىندى دامىپ كەلەدٸ. ەلٸمٸزدە تٷرٸك كاپيتالىنىڭ ٷلەسٸ بار 4300-دەن استام كومپانييا جۇمىس ٸستەپ جاتىر, – دەدٸ قاسىم-جومارت توقاەۆ.
كەزدەسۋدە قاسىم-جومارت توقاەۆ رەجەپ تاييپ ەردوعاندى جەنە تٷرٸك حالقىن تٷركييانىڭ 100 جىلدىعىمەن قۇتتىقتادى. سونداي-اق مەملەكەت باسشىسى باۋىرلاس ەلدٸڭ مەرەيتويىنا وراي استانادا انادولى كٶشەسٸن, شىمكەنتتە تٷركييا داڭعىلى مەن ساياباعىن جەنە الماتىدا مۇستافا كەمال اتاتٷرٸكتٸڭ ەسكەرتكٸشٸن اشۋ جوسپارلانىپ وتىرعانىن ايتتى.
ٶز كەزەگٸندە رەجەپ تاييپ ەردوعان تٷركٸ مەملەكەتتەرٸ ۇيىمىنىڭ مەرەيتويلىق سامميتٸن جوعارى دەڭگەيدە ٶتكٸزگەنٸ ٷشٸن قاسىم-جومارت توقاەۆقا العىس ايتىپ, ەكٸ ەل اراسىنداعى ٶزارا تيٸمدٸ ىنتىماقتاستىقتى نىعايتۋ ماڭىزدى ەكەنٸن جەتكٸزدٸ.
– سامميتتٸ تابىستى ٶتكٸزۋٸڭٸزبەن قۇتتىقتايمىن. بيىل 6 اقپاندا جەر سٸلكٸنٸسٸنەن زارداپ شەككەن گازيانتەپ پروۆينتسيياسىنىڭ نۋرداگى اۋدانىندا مەكتەپ سالۋ تۋرالى شەشٸمٸڭٸز ٷشٸن تاعى دا العىسىمدى بٸلدٸرەمٸن. بۇل مەكتەپ تٷرٸك-قازاق باۋىرلاستىعىنىڭ ۇرپاقتان-ۇرپاققا جالعاساتىن سيمۆولدارىنىڭ بٸرٸنە اينالادى دەپ سەنەمٸن. جاھانداعى جەنە ايماقتاعى وقيعالار تٷركٸ ەلەمٸنٸڭ ٶزارا تىعىز قارىم-قاتىناستا بولۋىن تالاپ ەتەدٸ. 2021 جىلى ىستانبۇلدا ٶتكەن سامميتتە بٸز ٶزگەرٸس پروتسەسٸن باستادىق ەرٸ بٸزدٸڭ ۇيىمعا مىقتى ينستيتۋتسيونالدىق قۇرىلىم سيپاتىن بەرۋ تۋرالى شەشٸم قابىلدادىق. وسى ۋاقىت ارالىعىندا بٸز ماڭىزدى قادامدار جاسادىق. ول ەلٸ جالعاسادى. اتاجۇرتتا ماعان جەنە مەنٸڭ دەلەگاتسيياما كٶرسەتكەن قۇرمەتٸڭٸز ٷشٸن سٸزگە ريزاشىلىعىمدى بٸلدٸرەمٸن, – دەدٸ تٷركييا پرەزيدەنتٸ.
كەزدەسۋ بارىسىندا مەملەكەتتەر باسشىلارى قازاق-تٷرٸك ستراتەگييالىق سەرٸكتەستٸگٸنٸڭ قازٸرگٸ جاعدايى مەن دامۋ پەرسپەكتيۆالارىن تالقىلادى. ساياسي ديالوگتى نىعايتۋعا, ساۋدا-ەكونوميكالىق, ينۆەستيتسييالىق, ەنەرگەتيكالىق, كٶلٸك-لوگيستيكالىق, اگرارلىق جەنە مەدەني-گۋمانيتارلىق سالالارداعى ىنتىماقتاستىقتى تەرەڭدەتۋگە باسا مەن بەرٸلدٸ. پرەزيدەنتتەر قازاقستان مەن تٷركييانىڭ جان-جاقتى ىقپالداستىعىن جاڭا دەڭگەيگە كٶتەرۋگە بايلانىستى بارلىق جاعداي جاسالعانىن اتاپ ٶتتٸ.
سونىمەن قاتار قاسىم-جومارت توقاەۆ پەن رەجەپ تاييپ ەردوعان حالىقارالىق جەنە ايماقتىق كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماستى.
