(فوتو: Fredrik Sandberg / TT / EPA / تاسس)
تٷركييا سىرتقى ٸستەر مينيسترلٸگٸ شۆەتسييادا دەمونسترانتتاردىڭ مۇسىلماندار كيەلٸ سانايتىن قۇران كٸتابىن ٶرتەگەنٸن ايىپتادى, دەپ حابارلايدى ازاتتىق راديوسى.
سەنبٸ كٷنٸ ۋلتراوڭشىل Hard Line پارتيياسىنىڭ ٶكٸلٸ راسمۋس پالۋدان تٷركييانىڭ شۆەتسيياداعى ەلشٸلٸگٸ الدىندا قۇراندى ٶرتەگەن. Reuters-تٸڭ جازۋىنشا, بيلٸك رۇقسات ەتكەن اكتسييا كەزٸندە جينالعاندار تٷركييا بيلٸگٸنٸڭ شۆەتسيياداعى سٶز ەركٸندٸگٸن شەكتەۋ تالپىنىستارىنا قارسى شىققان.
وسىدان كەيٸن شۆەد قورعانىس مينيسترٸنٸڭ انكاراعا ساپارى كەيٸنگە قالدىرىلدى, تٷركييا بيلٸگٸ ستوكگولمدٸ كەلٸسٸمدٸ بۇزدى دەپ ايىپتادى.
ستوكگولمدە قۇراننىڭ ٶرتەلگەنٸن كٶپتەگەن مۇسىلمان ەلدەرٸ ايىپتادى. اراسىندا ساۋد ارابييا, يوردانييا, كۋۆەيت بار. تٷركييادا نارازىلىق اكتسييالارى ٶتٸپ, جينالعاندار شۆەد تۋىن ٶرتەدٸ. تٷركييا سٸم مەلٸمدەمە تاراتىپ, قۇران ٶرتەۋدٸ دٸنگە جاسالعان شابۋىل دەپ باعالادى. تٷركييا قورعانىس مينيسترٸ حۋلۋسي اكار شۆەتسيياداعى نارازىلىققا بايلانىستى شۆەتسييا قورعانىس مينيسترٸ پول يونسوننىڭ كەلەسٸ اپتاعا جوسپارلانعان تٷركيياعا ساپارى كەيٸنگە شەگەرٸلگەنٸن مەلٸمدەدٸ. تٷركييا سونىمەن بٸرگە شۆەتسييانى ناتو-عا قوسىلۋ بويىنشا بۇرىن جاسالعان كەلٸسٸمدەردٸڭ بەرٸن بۇزدى دەپ كٸنەلادى.
شۆەتسييا سىرتقى ٸستەر مينيسترٸ توبياس بيللسترەم "ەلدە سٶز ەركٸندٸگٸ بار, بٸراق بۇل شۆەتسييا بيلٸگٸنٸڭ ونىڭ بارلىق كٶرٸنٸسٸن قولداي بەرەدٸ دەگەندٸ بٸلدٸرمەيدٸ" دەپ مەلٸمدەدٸ.
رەسەي ۋكرايناعا باسىپ كٸرگەننەن كەيٸن بۇرىن بەيتاراپتىق ۇستانعان شۆەتسييا مەن فينلياندييا ناتو-عا كٸرۋگە ٶتٸنٸش بەرگەن. ەرەجە بويىنشا, ٶتٸنٸش بەرگەندەردٸ ناتو-عا مٷشە ەلدەردٸڭ بارلىعى قولداعان كەزدە عانا ەسكەري وداققا جاڭا ەل مٷشە بولا الادى.
تٷركييا شۆەتسيياعا بٸرقاتار تالاپ قويعان. اراسىندا "كٷردتەردٸڭ ۇيىمدارىن تەرروريستٸك ۇيىم دەپ تانۋ, انكاراعا قارۋ-جاراق بەرۋگە سالىنعان تىيىمدى جويۋ, تٷركيياعا بٸرقاتار كٷرد بەلسەندٸلەرٸن بەرۋ" تۋرالى تالاپتار بار.
