قىرعىزستانداعى تٷرٸك مەكتەپتەر جەلٸسٸنٸڭ جەتەكشٸسٸ ورحان يناندىنى تابۋدى تالاپ ەتكەن اكتسييا. بٸشكەك, 3 ماۋسىم 2021 جىل.
2019 جىلى قىرعىزستان تٷركييانىڭ ورحان يناندىنى ەكستراديتسييالاۋ تۋرالى ٶتٸنٸشٸن ورىنداۋدان باس تارتقان. بۇل تۋرالى 7 ماۋسىمدا قىرعىزستان سىرتقى ٸستەر ۆيتسە-مينيسترٸ ايبەك ارتىكباەۆ حابارلادى, دەپ جازادى ازاتتىق.
"ورحان يناندى 2012 جىلى پرەزيدەنت جارلىعىنا سەيكەس قىرعىزستان ازاماتتىعىن الدى. 2019 جىلى ناۋرىزدا تٷركييا يناندىنىڭ فەتو تەرروريستٸك توبىنىڭ مٷشەسٸ ەكەنٸن ايتىپ, ونى ەكستراديتسييالاۋدى تالاپ ەتتٸ. تٷركييامەن ارادا ەكستراديتسييا جايلى كەلٸسٸم بار. بٸراق بٸز ٸشكٸ ٸستەر مينيسترلٸگٸ مەن باس پروكۋراتۋرا ماماندارىمەن بٸرٸگە وتىرىپ, جاۋاپ ەزٸرلەدٸك. 2012 جىلى يناندىنىڭ قىرعىزستان ازاماتى ەكەنٸن جەنە تٷركيياعا ٶز ازاماتىمىزدى بەرە المايتىنىمىزدى ايتقانبىز" دەدٸ ۆيتسە-مينيستر.
حالىقارالىق "ساپات" بٸلٸم بەرۋ مەكەمەسٸنٸڭ پرەزيدەنتٸ ورحان يناندى 1 ماۋسىمعا قاراعان تٷنٸ بٸشكەكتە جوعالىپ كەتكەن. قۇقىق قورعاۋ ورگاندارى مۇعالٸمدٸ تابۋعا كٶپ كٷش جۇمساعانىن حابارلادى. "ادام ۇرلاۋ" بابى بويىنشا قىلمىستىق ٸس قوزعالعان.
يناندىنىڭ جوعالۋى قىرعىز قوعامىندا رەزونانس تۋدىردى. پرەزيدەنت سادىر جاپاروۆ ٸزدەۋدٸ كٷشەيتۋدٸ تاپسىردى, ال قاۋٸپسٸزدٸك كەڭەسٸ 3 ماۋسىمدا قۇقىق قورعاۋ ورگان جەتەكشٸلەرٸمەن وقيعاعا بايلانىستى شۇعىل كەزدەسۋ ٶتكٸزدٸ.
بۇعان دەيٸن ازاماتتار قىرعىزستاننىڭ تٷركيياداعى ەلشٸلٸگٸ, اق ٷي, ٷكٸمەت ٷيٸ الدىندا ورحان يناندىنى تابۋدى تالاپ ەتٸپ, ميتينگ ٶتكٸزگەن. ولار يناندىنى تٷركييانىڭ ارنايى قىزمەتٸ ۇرلاپ كەتكەن بولۋى مٷمكٸن دەپ توپشىلايدى.
"ساپات" بٸلٸم بەرۋ مەكەمەسٸ ورحان يناندىنىڭ قايدا ەكەنٸن حابارلايتىن ادامعا سىياقى تاعايىندادى.
6 ماۋسىمدا ونىڭ ەيەلٸ رەيحان يناندى ەلەۋمەتتٸك جەلٸدە بٸرەۋلەردٸڭ كٷيەۋٸن قىرعىزستانداعى تٷركييا ەلشٸلٸگٸندە كٷشپەن ۇستاپ وتىرعانىن حابارلادى دەپ ايتقان.
