تٷركييا سيرييادا قولعا تٷسكەن, "يسلام مەملەكەتٸ" تەررور ۇيىمىنىڭ مٷشەسٸ بولۋى مٷمكٸن شەتەل ازاماتتارىن دەپورتاتسييالاۋعا كٸرٸستٸ.
تٷركييا سىرتقى ٸستەر مينيسترلٸگٸ اقش ازاماتىنىڭ دەپورتاتسييالانعانىن, 14 قاراشادا گەرمانييانىڭ جەتٸ ازاماتىن دەپورتاتسييالايتىنىن حابارلادى. فرانتسييانىڭ 11 ازاماتى مەن يرلاندييا جەنە دانييا ازاماتتارىن دەپورتاتسييالاۋعا دايىندىق جٷرٸپ جاتىر. ولار قاي ەلدٸڭ ازاماتى بولسا, سول ەلگە دەپورتاتسييالانادى. ەۋروپا مەملەكەتتەرٸنٸڭ رەاكتسيياسى ەزٸرگە بەلگٸسٸز.
تٷركييا پرەزيدەنتٸ رەجەپ ەردوعان سيرييانىڭ سولتٷستٸگٸندە تاياۋدا تٷركييا ەسكەرٸ جٷرگٸزگەن وپەراتسييا بارىسىندا "يسلام مەملەكەتٸ" تەررور ۇيىمىنا قاتىسقان 300-گە جۋىق شەتەل ازاماتى قولعا تٷسكەنٸن حابارلاعان بولاتىن.
مۇنان ٶزگە, شەتەلدٸڭ ەكسترەميستٸك ۇيىمعا قاتىسى بار مىڭنان استام ازاماتى تٷركييا تٷرمەسٸندە وتىر. ەردوعان سيريياداعى تەررور ۇيىمعا قوسىلعان, ۇرىس كەزٸندە قولعا تٷسٸپ, تۇتقىندا وتىرعان ازاماتتارىنىڭ تاعدىرىنا نەمقۇرايدى قارايدى دەپ ەۋروپا مەملەكەتتەرٸن بٸرنەشە رەت سىناعان. اقش پرەزيدەنتٸ دونالد ترامپ تا ەۋروپا مەملەكەتتەرٸن قازٸر كٷردتەر كٷزەتٸندەگٸ لاگەرلەردە وتىرعان ازاماتتارىن قايتارىپ الۋعا شاقىرعان. كەيبٸر اقپاراتتارعا قاراعاندا, تٷركييا سيرييانىڭ سولتٷستٸگٸندە ەسكەري وپەراتسييا جٷرگٸزگەن كەزدە كٷردتەر قولىنداعى جٷزدەگەن سودىر قاماۋدان قاشىپ شىققان.
بريتانييادان باستاپ بٸرقاتار ەۋروپا ەلدەرٸ سيرييا مەن يراكتاعى راديكال دٸنشٸلدەرگە قوسىلعان ازاماتتارىن ازاماتتىعىنان ايىرعان ەدٸ. تٷركييا بۇل ادامداردى دا دەپورتاتسييالاعىسى كەلەدٸ, بٸراق ولاردى ازاماتتىعىنان ايىرعان ەلدەر قابىلداي ما, جوق پا بەلگٸسٸز.
سيرييادا قارۋلى قاقتىعىس باستالعالى قازاقستاننىڭ دا سەگٸز جٷزگە جۋىق ازاماتى سيرييا مەن يراك اۋماعىنا كەتكەنٸ بەلگٸلٸ بولعان. قازاقستان 2019 جىلدىڭ باسىنان بەرٸ "جۋسان" وپەراتسيياسى ارقىلى سيرييا اۋماعىنداعى ازاماتتارىن قايتارا باستادى. ارناۋلى وپەراتسييا بويىنشا كەلگەندەردٸڭ كٶپشٸلٸگٸ ەيەلدەر مەن بالالار.
