نۇر-سۇلتان پوليتسەيلەرٸ ەلورداداعى قوناقٷيلەردٸڭ بٸرٸندە ۇرلىق جاساعان 37 جاستاعى شەتەل ازاماتىن ۇستادى, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, كٷدٸكتٸ تاڭ اتا ساعات 06:30-دار شاماسىندا قۇتپانوۆ كٶشەسٸندەگٸ قوناقٷيدٸڭ جانىنان ٶتٸپ بارا جاتىپ, عيماراتقا كٸرگەن. ٸشتەگٸ جاعدايدى بٸلۋ ٷشٸن ول دەلٸزدٸ ارالاپ شىعىپ, ەشكٸمنٸڭ جوقتىعىنا كٶز جەتكٸزگەن سوڭ اشىق تۇرعان ەسٸكتەردٸڭ بٸرٸنە كٸرگەن. وندا دا ەشكٸم بولماعان سوڭ كٷدٸكتٸ بٶلمەدەگٸ «سامسۋنگ» ماركالى تەلەفوندى ۇرلاپ كەتكەن.
كٷدٸكتٸ تٷركييا ازاماتى بولىپ شىقتى. قازٸر ونىڭ قازاقستان اۋماعىندا جٷرۋ زاڭدىلىعى تەكسەرٸلۋدە. قىلمىستىق ڭس قوزعالدى.
نۇر-سۇلتان قالاسىنىڭ پوليتسييا دەپارتامەنتٸ ازاماتتارعا ساق بولۋدى, ەسٸكتٸ اشىق قالدىرماي, از ۋاقىتقا كەتسە دە ەسٸكتٸ بەكٸتٸپ جٷرۋ كەرەكتٸگٸن ەسكەرتەدٸ. تۇرعىنداردىڭ قاۋٸپسٸزدٸگٸن قامتاماسىز ەتۋ ٷشٸن 24 ساعات بويىنا كٷزەت قويىپ, دابىل بەلگٸلەرٸن ورناتۋ قاجەتتٸگٸن ەسكەرتەدٸ.
