Nur-Sultan politseileri elordadaǵy qonaqúilerdiń birinde urlyq jasaǵan 37 jastaǵy shetel azamatyn ustady, dep habarlaidy "Ult aqparat" Nur-Sultan qalalyq Politsiia departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, kúdikti tań ata saǵat 06:30-dar shamasynda Qutpanov kóshesindegi qonaqúidiń janynan ótip bara jatyp, ǵimaratqa kirgen. Ishtegi jaǵdaidy bilý úshin ol dálizdi aralap shyǵyp, eshkimniń joqtyǵyna kóz jetkizgen soń ashyq turǵan esikterdiń birine kirgen. Onda da eshkim bolmaǵan soń kúdikti bólmedegi «Samsýng» markaly telefondy urlap ketken.
Kúdikti Túrkiia azamaty bolyp shyqty. Qazir onyń Qazaqstan aýmaǵynda júrý zańdylyǵy tekserilýde. Qylmystyq ńs qozǵaldy.
Nur-Sultan qalasynyń Politsiia departamenti azamattarǵa saq bolýdy, esikti ashyq qaldyrmai, az ýaqytqa ketse de esikti bekitip júrý kerektigin eskertedi. Turǵyndardyń qaýipsizdigin qamtamasyz etý úshin 24 saǵat boiyna kúzet qoiyp, dabyl belgilerin ornatý qajettigin eskertedi.
