تٷركٸستان حالىقارالىق ەۋەجايىنان ەڭ العاشقى شەتەلدٸك رەيس تٷركييا ەلٸنە اشىلادى. بۇل تۋرالى تٷركٸستان وبلىسىنىڭ ەكٸمٸ ٶمٸرزاق شٶكەەۆ ايتتى, دەپ حابارلايدى "ۇلت اقپارات".
«ەۋەجاي سالىندى. تولىق قولدانىسقا بەرٸلدٸ دەپ ايتۋعا بولادى. ٷلكەن, كەرەمەت ەۋەجاي. ونىڭ ۇشىپ-قونۋ جولاعىنىڭ ۇزىندىعى 3 300 مەتردٸ قۇرايدى. بارلىق حالىقارالىق ستاندارتقا ساي كەلەدٸ. سونىمەن قاتار تەرمينالى دا جاقسى سالىنعان. شەتەلدٸك بولسىن, ٸشكٸ بولسىن بارلىق رەيسكە قىزمەت كٶرسەتۋگە مٷمكٸندٸگٸ بار», - دەدٸ ٶڭٸر باسشىسى ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
سونىمەن قاتار ول تٷركٸستان حالىقارالىق ەۋەجايىنان شەتەلدٸك جەنە ٸشكٸ رەيستەر قاشان جولعا قويىلاتىندىعىن ايتتى.
«رەيستەردٸڭ اشىلۋى پاندەميياعا بايلانىستى. پاندەمييا سەل بەسەڭدەسە بٸرٸنشٸ تٷركييانىڭ ىستانبۇل قالاسىنا رەيس اشىلادى. ودان كەيٸن مەككەگە اشىلۋى مٷمكٸن. ونى ەندٸ ۋاقىت كٶرسەتەدٸ. ال 1 جەلتوقساننان باستاپ كٷندەلٸكتٸ ٸشكٸ رەيستەردٸ باستايمىز. بۇعاندا پاندەمييا ەسەر ەتۋٸ مٷمكٸن. بٸراق باستايمىز», - دەدٸ ٶمٸرزاق شٶكەەۆ.
