تٷركٸستانعا كەلگەن تۋريستەر 100 جىلدان استام تاريحى بار جەدٸگەرلەردٸ تاماشالاۋدا, دەپ حابارلايدى قازاقپارات.
ۇلىستىڭ ۇلى كٷنٸ – ناۋرىز مەرەكەسٸنە وراي تٷركٸستانعا كەلگەن تۋريستەرگە قازاق حالقىنىڭ قۇندى ەتنوگرافييالىق مۇرالارىن ناسيحاتتاۋ ماقساتىندا «بابادان قالعان بار مۇرا» كٶشپەلٸ كٶرمەسٸ اشىلدى.
كٶرمەگە 100 جىلدان استام تاريحى بار تٷركٸستان وبلىستىق تاريحي-ٶلكەتانۋ مۋزەيٸ قورىنان جاساقتالعان 80-نەن اسا جەدٸگەر قويىلدى.
قازاق ەتنوگرافيياسىنان سىر شەرتەتٸن كٶرمەنٸ «ەزٸرەت سۇلتان» مەملەكەتتٸك تاريحي-مەدەني مۋزەي-قورىعى» ديرەكتورىنىڭ ورىنباسارى ەرسٸن تەجٸباەۆ قۇتتىقتاۋ سٶزبەن اشىپ, تاريحي جەدٸگەرلەر تانىستىرىلىمىنا سەتتٸلٸك تٸلەدٸ.
كٶرمە ٷش بٶلٸمنەن تۇردى. قازاقتىڭ زەرگەرلٸك بۇيىمدارى بٶلٸمٸندە زەرگەرلٸك ٶنەر مەن ونىڭ تاريحى ناسيحاتتالدى. ەيەلدەر سىرعالارىنىڭ تٷر-تٷرٸ, شەكەلٸكتەر, تۇمارلار, بويتۇمارلار, تانالار مەن تٷيمەلەر, ەيەل بەلدٸكتەرٸ, بٸلەزٸكتەر مەن شاشباۋلار كٶرمە سٶرەلەرٸنەن ورىن الدى.
ال, ەكٸنشٸ بٶلٸم «قازاقتىڭ توقىماشىلىق ٶنەرٸ» دەپ اتالدى. ونداعى كيٸز ٷيدٸڭ توقىما بۇيىمدارى باسقۇرلار, جەل باۋلار مەن سالما باۋلار, قورجىندار مەن كيٸزدەن جاسالعان اياققاپتار, كەسەقاپتار, كەرەگە باۋ-تاڭعىشتار كٶزدٸڭ جاۋىن الادى.
ٷشٸنشٸ بٶلٸمدە اعاشتان ويىلعان ىدىس-اياقتار توپتاماسى تانىستىرىلدى. قازاق تۇرمىسىندا اس تارتۋدا, قوناققا سىي كٶرسەتۋدە پايدالانعان اعاشتان جاسالعان ىدىس-اياقتارى, استاۋلار, تاباقتار, وجاۋلار, قىمىز تاباقتار مەن كەسەلەر دە كٶرمەگە قويىلدى.
كٶرمە جۇمىسى 28 ناۋرىزعا دەيٸن جالعاسادى.
