28 جاستاعى قىمبات سارىبايقىزى رايانا, رەزييا جەنە رەبييا ەسٸمدٸ ٷشەمدٸ دٷنيەگە ەكەلٸپ, التى بالانىڭ اناسى اتاندى, دەپ حابارلايدى قازاقپارات.
بٸر اي بۇرىن دٷنيەگە كەلگەن ٷشەمدەر 30 كٷن بويى دەرٸگەرلەردٸڭ قاراۋىندا بولىپ, بٷگٸن ٷيٸنە شىعارىلدى. 3 ۇلدان كەيٸن قىزدى بولۋدى ارمانداعان تينەبەكوۆتەر وتباسى بٸردەن 3 قىزعالداقپەن تولىقتى.
«قازٸر ٷش قىزدىڭ جاعدايى قالىپتى. الداعى ۋاقىتتا دا جاعدايلارىن قاداعالاپ, تۇراقتى تٷردە باقىلاپ وتىراتىن بولامىز», - دەدٸ پەريناتالدى ورتالىقتىڭ باس دەرٸگەرٸ گٷلبانۋ جۇماعاليقىزى.
تٷركٸستان قالاسى ەكٸمٸنٸڭ ورىنباسارى ەرلان باقىتجانۇلى كٶپبالالى وتباسىعا قالا ەكٸمنٸڭ قۇتتىقتاۋىن جەتكٸزٸپ, ارنايى سىيلىقتاردى تابىس ەتتٸ.
ال, ٷشەمدەردٸڭ اناسى ٷلكەن قۇرمەت كٶرسەتكەن قالا باسشىلىعى مەن دەرٸگەرلەرگە العىسىن ايتتى.
«كەرەمەت سەزٸم, ەشتەڭە ايتا المايمىن, قاتتى قوبالجىپ جٷرمٸن. بٷكٸل پەرزەنتحاناعا ٷلكەن العىس ايتامىن, دەرٸگەرلەرٸ كەرەمەت! قۇدايعا شٷكٸر, جولداسىم مەن ەنەم جانىمدا بولدى. قازٸر ٷيدە بٷكٸل وتباسىم كٷتٸپ وتىر, ٶتە قۋانىشتىمىن! بولاشاقتا تاعى بالالارىم بولادى دەپ ويلايمىن», - دەدٸ قىمبات.
ايتا كەتەيٸك, جالپى جىل باسىنان بەرٸ تٷركٸستان قالاسىندا 3740 نەرەستە تۋسا, ونىڭ 16-ى ەگٸزدەر. ال بۇل - جىل باسىنان بەرٸ قالادا دٷنيە ەسٸگٸن اشقان ەكٸنشٸ ٷشەم.
