تٷركٸستاندا جاڭادان سالىنىپ جاتقان نىسانداردىڭ قۇرىلىسى قارقىندى جٷرۋدە. وبلىس ەكٸمٸنٸڭ تاپسىرماسىنا سەيكەس, حالىق كٶپ شوعىرلانعان ورتالىق كٶشەلەر بويىنان قوعامدىق كٶگالداردى (سكۆەرلەر مەن اللەيالار) كٶبەيتۋ بويىنشا بٸرنەشە دەمالىس الاڭشالارى سالىنۋدا, دەپ حابارلايدى "ۇلت اقپارات".
قالاداعى بۇرىنعى «سەلماگ» سۋ قويماسىنىڭ ورنىنان بوي كٶتەرەتٸن «جاستار اللەياسى» قالا جاستارىنىڭ دەمالىسى ٷشٸن تيٸمدٸ ەرٸ قولايلى ورىن بولماق. مۇندا سپورت الاڭدارى (تەننيس كورتتارى, ۆولەيبول, باسكەتبول الاڭشالارى) مەن دەمالىس باستىرمالارى, سۋبۇرقاقتار سالىنىپ, اباتتاندىرىلادى. قازٸرگٸ تاڭدا 3,3 گەكتار جەردٸ قۇرايتىن اللەيانىڭ اۋماعى تەگٸستەلٸپ, تازالاۋ جۇمىستارى جٷرگٸزٸلدٸ.
ەسكٸ سۋ قويماسىنىڭ قۇبىرلارى اۋىستىرىلىپ, ترانشەيالار قازىلۋدا. سۋ بۇرقاقتار قۇرىلىسى باستالىپ, بەتونداۋ جۇمىستارى جٷرگٸزٸلٸپ جاتىر. سونداي-اق, دەمالىس ورنىنىڭ الدىندا ارنايى اۆتوتۇراق سالىنادى دەپ جوسپارلانعان.
