فوتو: تٶلەبي اۋدانى ەكٸمٸنٸڭ اپپاراتى
تٷركٸستاندا مەملەكەتتٸك تۋدى تەرٸس ٸلگەندەر تەرتٸپتٸك جاۋاپكەرشٸلٸككە تارتىلدى, دەپ حابارلايدى قازاقپارات.
وقيعا 15 تامىزدا بولدى. تٷركٸستان وبلىسى «اتامەكەن» كەسٸپكەرلەر پالاتاسىنىڭ ۇيىمداستىرۋىمەن ٶتكەن «قازاقستاننىڭ ٷزدٸك تاۋارى – 2023» ٶڭٸرلٸك بايقاۋ-كٶرمەسٸندە ساحناداعى لەد-ەكراننان فون رەتٸندە كٶرسەتٸلگەن مەملەكەتتٸك تۋدىڭ سۋرەتٸ تەرٸس قاراپ قالعان.
اتالعان جاعداي ەلەۋمەتتٸك جەلٸدە كەڭٸنەن تالقىلانىپ, سىنالدى. ال ٸس-شاراعا جاۋاپتى تٷركٸستان وبلىسى كەسٸپكەرلەر پالاتاسىنىڭ باسشىلىعى بۇل جاعداي بويىنشا جاۋاپتى ماماندارعا شارا قولدانىلاتىنىن ايتىپ, حالىقتان كەشٸرٸم سۇرادى.
«اۋقىمدى ٸس-شارادا ساحنا تٶرٸنە قويىلعان باننەر ەسكيزٸنٸڭ ورنالاسۋىندا تەحنيكالىق قاتەلٸك ورىن العان. ولقىلىققا جول بەرگەن باسپاحانا باسشىلىعىنا ەسكەرتۋ جاسالىپ, كەسٸپكەرلەر پالاتاسىنىڭ جاۋاپتى قىزمەتكەرلەرٸ تيٸستٸ تەرتٸپتٸك جاۋاپكەرشٸلٸككە تارتىلدى. الداعى ۋاقىتتا مۇنداي كەمشٸلٸكتەرگە جول بەرٸلمەيتٸندٸگٸن مەلٸمدەي وتىرا قازاقستاندىقتاردان, تٷركٸستان ٶڭٸرٸنٸڭ جۇرتشىلىعىنان كەشٸرٸم سۇرايمىز» - دەلٸنگەن تٷركٸستان وبلىسى كەسٸپكەرلەر پالاتاسىنىڭ باسپاسٶز قىزمەتٸ ۇسىنعان اقپاراتتا.
