فوتو: قر تسم
تٷركٸستان قالاسىندا «تٷركٸستان – قولٶنەرشٸلەر قالاسى» حالىقارالىق قولٶنەر كٶرمەسٸ ٶتەدٸ. ٸس-شارا ٶڭٸردٸڭ مەدەني-رۋحاني ورتالىعىندا سالىنىپ جاتقان ٸرٸ تۋريستٸك كلاستەر – جاڭا قولٶنەر ورتالىعىنىڭ اۋماعىندا ۇيىمداستىرىلادى, دەپ حابارلايدى Ult.kz.
كٶرمە قارساڭىندا تۋريزم جەنە سپورت مينيسترٸنٸڭ ورىنباسارى ەرجان ەركٸنباەۆ تٷركٸستانعا جۇمىس ساپارىمەن بارىپ, ٶڭٸردەگٸ تۋريستٸك ينفراقۇرىلىمنىڭ نەگٸزگٸ نىساندارىنىڭ بٸرٸ – قولٶنەر ورتالىعىنىڭ قۇرىلىسىمەن تانىستى. جالپى اۋدانى 2,5 گەكتاردى قۇرايتىن جوبادا 25 سەۋلەت نىسانى قاراستىرىلعان. اتاپ ايتقاندا, قولٶنەر شەبەرحانالارى, كٶرمە پاۆيلوندارى, قوناق ٷيلەر, ساۋدا جەنە قوعامدىق ايماقتار بوي كٶتەرۋدە. جوبا تولىعىمەن جەكە ينۆەستيتسييا ەسەبٸنەن جٷزەگە اسىرىلىپ جاتىر. جالپى قۇنى – 5,5 ميلليارد تەڭگە.
«وسىنداي نىساندار ٸشكٸ تۋريزمدٸ دامىتۋ مەن كرەاتيۆتٸ ەكونوميكانى قالىپتاستىرۋدا ستراتەگييالىق ماڭىزعا يە. «تٷركٸستان – قولٶنەرشٸلەر قالاسى» كٶرمەسٸ قولٶنەر ورتالىعى اۋماعىندا ٶتەتٸن العاشقى ٸرٸ ٸس-شارا بولماق. كٶرمەنٸڭ ماقساتى – ەلٸمٸزدٸڭ تۋريستٸك ەلەۋەتٸن ارتتىرۋ, شىعارماشىلىق يندۋسترييانى قولداۋ, مەدەني بولمىسىمىزدى نىعايتۋ. كٶرمە تۋريستٸك سالانى دامىتۋ جٶنٸندەگٸ ۇلتتىق جوسپار مەن قازاقستاننىڭ تاريحي-مەدەني مۇراسىن ساقتاۋ جەنە دامىتۋ تۇجىرىمداماسىن ٸسكە اسىرۋداعى ماڭىزدى قادام», – دەدٸ مينيستردٸڭ ورىنباسارى.
وبلىستىق تۋريزم باسقارماسىنىڭ مەلٸمەتٸنشە, كٶرمەگە قازاقستان مەن شەت مەملەكەتتەردەن 140-تان استام سەندٸك-قولدانبالى ٶنەر شەبەرٸ قاتىسادى دەپ كٷتٸلۋدە. كەلۋشٸلەر بٸرەگەي بۇيىمداردى تاماشالاپ, ساتىپ الۋمەن شەكتەلمەي, شەبەرلەرمەن جٷزدەسٸپ, دەستٷرلٸ جەنە زاماناۋي قولٶنەر تەحنيكاسىمەن تانىسۋ مٷمكٸندٸگٸنە يە بولادى. سونىمەن قاتار ٸس-شارا اياسىندا ەۋە شارلارى شوۋى, AVTOFEST اۆتوشەرۋٸ, ۇلتتىق تاعامدار ۇسىنىلاتىن گاسترو-جەرمەڭكە, جٷلدەلەر ۇتىسى, ساحنالىق ويىندار جەنە وتاندىق تانىمال ەرتٸستەردٸڭ قاتىسۋىمەن كونتسەرتتٸك باعدارلاما ۇيىمداستىرىلادى.
