تٷركٸستان قالاسىندا Hilton قوناقٷيٸنٸڭ العاشقى جەلٸسٸ Hampton by Hilton Turkistan قوناقٷيٸنٸڭ رەسمي اشىلۋى ٶتتٸ, دەپ حابارلايدى وبلىستىق ەكٸمدٸكتٸڭ باسپاسٶز قىزمەتٸ.
حالىقارالىق قوناقٷيدٸڭ اشىلۋىنا تٷركٸستان وبلىسى ەكٸمٸنٸڭ بٸرٸنشٸ ورىنباسارى ارمان جەتپٸسباي, تٷركٸستان قالاسىنىڭ ەكٸمٸ راشيد ايۋپوۆ پەن BI Group ديرەكتورلار كەڭەسٸنٸڭ تٶراعاسى ايدىن راحىمباەۆ قاتىستى.
«بۇل ەڭ الدىمەن ستراتەگييالىق ماڭىزدى سالاعا ٷلكەن ٷلەس. تۋريزمدٸ دامىتا وتىرىپ, تٷركٸستانعا كەلگەن قوناقتار حالىقارالىق دەڭگەيدەگٸ قىزمەتتٸ قولجەتٸمدٸ باعامەن پايدالانا الادى. سونىمەن قاتار, قوناقٷي تٷركٸستاننىڭ مەدەني-رۋحاني ورتالىعىنا ٷيلەسٸمدٸ», - دەدٸ قۇتتىقتاۋ سٶزٸندە تٷركٸستان وبلىسى ەكٸمٸنٸڭ بٸرٸنشٸ ورىنباسارى ارمان جەتپٸسباي.
قوناقٷي تٷركٸستاننىڭ مەدەني-رۋحاني ورتالىعىندا ورنالاسقان. ياساۋي كەسەنەسٸ جاقىن, ۇلى دالا ورتالىعى مەن Visit Centre Turkistan ماڭايىندا ورنالاسقان. سىرتقى بەتٸ كٶنە عاسىردىڭ عيماراتتارىن ەسكە تٷسٸرەتٸن ماروككو ستيلٸندەگٸ ەسكٸ قام كٸرپٸشتەن سوعىلعان. ورتا عاسىر مەن قازٸرگٸ دەستٷرلەردٸ سەتتٸ ٷيلەستٸرە وتىرىپ, قالانىڭ ستيلٸن تولىقتىرا تٷسكەن. بٸر جىلدىڭ ٸشٸندە بوي كٶتەرگەن قوناقٷيدٸڭ جالپى الاڭى Top Tobe جەكە بانكەت كەشەنٸن قوسقاندا 9000 شارشى مەتردٸ قۇرايدى. ستاندارتتى ساناتتاعى 120 نٶمٸر بار. مٷمكٸندٸگٸ شەكتەۋلٸ ادامدارعا ارنايى جاساقتالعان بٶلمەلەر قاراستىرىلعان.
Hilton – قۇرامىنا ەرتٷرلٸ ساناتتاعى 17 قوناقٷي برەندٸ كٸرەتٸن دٷنيە جٷزٸنە ەيگٸلٸ قوناقٷيلەر جەلٸسٸ. ەلەم بويىنشا بۇل جەلٸگە 6000-عا جۋىق قوناقٷي كٸرەدٸ. Hampton by Hilton Turkistan – BI Group پەن Hilton Worldwide اراسىنداعى ەكٸنشٸ بٸرلەسكەن جوبا. حولدينگ نۇر-سۇلتان قالاسىندا 2017 جىلى Hilton Astana قوناقٷيٸن سالدى.
