بٷگٸن «Nur Otan» پارتيياسىنىڭ پرايمەريز ٶتكٸزۋ كەستەسٸنە سەيكەس, تٷركٸستان وبلىسىنىڭ اۋدان-قالالارىندا جارييا پٸكٸرسايىس باستالدى. بۇل جٶنٸندە پارتييانىڭ باسپاسٶز قىزمەتٸ حابارلادى.
تٷركٸستان قالاسىنداعى دەبات قوجا احمەت ياساۋي كەسەنەسٸ ماڭىنداعى امفيتەاتردا ٶتتٸ. ەرەكشە ورىندا ۇيىمداستىرىلعان پٸكٸرسايىسقا 6 ٷمٸتكەر قاتىسىپ, ٶز بٸلٸكتٸلٸگٸ مەن سٶزگە شەشەندٸكتەرٸن كٶرسەتتٸ. كەزٸندە تالاي بيلەر كەڭەسٸ ٶتكٸزٸلگەن تٷركٸستان تٶرٸندە پٸكٸرسايىستار دا جوعارى دەڭگەيدە ٶتكٸزٸلدٸ.
وسى ساياسي دوداعا ارنايى كەلگەن «Nur Otan» پارتيياسى تٷركٸستان وبلىستىق فيليالى تٶراعاسىنىڭ ورىنباسارى بەيسەن تەجٸباەۆ قۇتتىقتاۋ سٶز سٶيلەپ, قاتىسۋشىلارعا سەتتٸلٸك تٸلەدٸ.
«بٸر دەۋٸرلەردە اشىق اسپان استىنداعى امفيتەاترلار كٷش سايىسى ٶتەتٸن ورىندار بولسا, قازٸر كٶنە شاھاردا بۇل ورىن وي سايىستىراتىن ورتالىققا اينالدى. رەسپۋبليكا بويىنشا پرايمەريزگە ٷمٸتكەرلەردٸڭ 1144-ٸ تٷركٸستان وبلىسىنان قاتىسىپ وتىر. سونىڭ ٸشٸندە تٷركٸستان قالاسىنان 106 ٷمٸتكەر باق سىناۋعا بەل بايلاپتى. مۇنداي دەباتتاردان تارتىنباۋ كەرەك. وي تٷكپٸرٸندەگٸ جوسپارلارىڭىزدى, باعدارلامالارىڭىزدى اشىق ايتىپ, جۇرتشىلىققا تانىستىرعان جٶن. سٸزدەردٸ اشىق بەسەكەدە پٸكٸرسايىس تالابى مەن ەرەجەسٸن ساقتاي وتىرىپ, جوعارى دەڭگەيدە پٸكٸر تالاستىرادى دەپ سەنەمٸن. ەلباسىنىڭ باستاماسىن قولداپ, تٷركٸستاندى دامىتۋ باعىتىندا ەڭبەك سٸڭٸرەدٸ دەپ ەسەپتەيمٸن. قاسيەتتٸ تٷركٸستان تٶرٸندە ساياسي قادامدى باستاپ, ادالدىق پەن ادامدىقتى تۋ ەتٸپ شىعاتىندارىڭىزعا سەنٸمدٸمٸن. بارشاڭىزعا سەتتٸلٸك تٸلەيمٸن», – دەدٸ بەيسەن دەۋلەتۇلى.
دالاداعى ەركٸن فورماتتاعى دەبات قاتىسۋشىلارعا ەرەكشە شابىت سىيلادى. ولار كٶكەيدە جٷرگەن ويلارىن ايتىپ, بٸر-بٸرٸنٸڭ سايلاۋالدى باعدارلامالارى بويىنشا سۇراقتارىن قويدى.
«ۋەدە بەرۋ – وڭاي. ونى ورىنداۋ بار. كەلەشەكتە دەپۋتات بولعان تۇلعالار دا وسى امفيتەاتردا, ەل الدىندا ەسەپ بەرسە», – دەيدٸ پرايمەريزگە قاتىسۋشىلار.
جالپى تٷركٸستان وبلىسىندا 30 قىركٷيەككە دەيٸن 200-دەي پٸكٸرسايىس ۇيىمداستىرىلىپ, وعان 1100-دەن استام كانديدات قاتىسۋى كەرەك. بٷگٸندە 16 اۋدان-قالادا جارييا پٸكٸرسايىستار ٶتٸپ جاتىر.
.jpeg)