فوتو: Orda.kz
تٷركٸستان وبلىسىندا تٷنگٸ ۋاقىتتا قاتىگەز قىلمىس جاسالدى. تٷلكٸباس اۋدانىندا بەلگٸسٸز بٸرەۋلەر بٸر توپ جٸگٸتكە وق اتىپ, سالدارىنان 17 جاستاعى تٶرەحان نۇرلىبەكۇلى تٶرەەلٸ وقيعا ورنىندا كٶز جۇمدى, دەپ حابارلايدى Ult.kz Orda.kz سايتىنا سٸلتەمە جاساپ.
قايعىلى وقيعا 2 قاراشا كٷنٸ كەشكە تٷلكٸباس اۋدانى, كٶكتەرەك اۋىلىندا بولعان. كۋەگەرلەردٸڭ ايتۋىنشا, كٶلٸكتەن قارۋ اسىنعان, بەتپەردە كيگەن ٷش ەر ادام شىعىپ, جاستارعا قاراتا وق جاۋدىرا باستاعان. بٸرنەشە جٸگٸت جاسىرىنىپ ٷلگەرگەنٸمەن, وق تٶرت ادامعا تيگەن.
تٷركٸستان وبلىسىنىڭ پوليتسييا دەپارتامەنتٸ كٷدٸكتٸلەردٸڭ جەكە باسى انىقتالعانىن حابارلادى. قازٸرگٸ تاڭدا ولاردىڭ بٸرەۋٸ ۇستالىپ, ەكٸنشٸسٸن ٸزدەستٸرۋ جۇمىستارى جالعاسىپ جاتىر.
سول تٷنٸ جارالانعان ٷش جٸگٸتتٸڭ وق اياقتارىنا تيگەن. ولاردىڭ بٸرٸ اۋرۋحانادان شىققانىمەن, ەندٸ ٷيدەن شىعۋعا قورقاتىنىن مويىندادى.
«بٸز جاي عانا تۇرىپ سٶيلەسٸپ تۇرعانبىز. كٶلٸك توقتاپ, بەتپەردە كيگەن ٷشەۋ شىعىپ, اتا باستادى. بٸز جەرگە جاتتىق, ولار بەرٸبٸر اتقىلادى. ەندٸ بٷكٸل اۋىل قورقىپ وتىر. پوليتسييانىڭ ٶزٸ "كٶشەگە شىقپاي تۇرىڭىزدار, كەنەتتەن قايتىپ ورالۋى مٷمكٸن" دەپ ەسكەرتتٸ», – دەيدٸ وقيعا كۋەگەرلەرٸنٸڭ بٸرٸ.
جەرگٸلٸكتٸ تۇرعىندار شابۋىلداۋشىلار الدىن الا دايىندالعانىنا سەنٸمدٸ. ولاردىڭ ايتۋىنشا, قىلمىسكەرلەر جاقسى جابدىقتالعان جەنە تەز ەرەكەت ەتكەن. تٸپتٸ ولار كٶزدەگەن ادامدارىنان جاڭىلىسىپ, باسقا بٸرەۋلەرمەن شاتاستىرىپ الۋى مٷمكٸن دەگەن دە بولجام بار.
قازا تاپقان جٸگٸتتٸڭ اناسى ەلميرا ايدارەليەۆا ۇلىنىڭ ەش سەبەپسٸز ٶلتٸرٸلگەنٸن ايتادى.
«مەنٸڭ بالام جاي عانا سول جەردە كەزدەيسوق بولىپ قالدى. ول كٶلٸكتٸڭ استىنا تىعىلعان, بٸراق بٸرەۋٸ ونى موينىنان سٷيرەپ شىعارىپ, جەرگە لاقتىرىپ تاستاپ, جٷرەگٸنەن اتقان. ەش مٷدٸرمەستەن جاسادى. ەكٸنشٸ بالانى دا ٶلتٸرمەك بولدى, بٸراق وق قيسىق كەتتٸ. وسىدان كەيٸن ولار كٶلٸككە وتىرىپ, كەتٸپ قالدى», – دەيدٸ مارقۇمنىڭ اناسى.
وتباسىنىڭ ايتۋىنشا, سول كٷنٸ كەشكە تٶرەحاننىڭ كٶزٸ اۋىرىپ, اعاسىمەن بٸرگە دەرٸحاناعا بارعان. اتا-اناسى ەكٸ ساعاتتان كەيٸن دەرٸحانا جانىندا اتىس بولعانىن ەستٸگەن. ولار اۋرۋحاناعا جەتكەندە, بٸر ۇلى تٸرٸ, ال ەكٸنشٸسٸ جانسىز جاتقان.
وقيعا بولعان تٷنٸ جارالانعاندار شابۋىلداۋشىلار قايتىپ كەلۋٸ مٷمكٸن دەپ قورقىپ, جەدەل جەردەم شاقىرماعان. ولار اۋرۋحاناعا ٶزدەرٸ جەتكەن.
ەكٸ اي بۇرىن عانا 17 جاسقا تولعان تٶرەحان تٶرەەلٸ دەنەكەرلەۋشٸ ماماندىعىن مەڭگەرٸپ جٷرگەن. ول سول كٷنٸ كٶزٸنە تامىزاتىن دەرٸ الماق بولىپ سىرتقا شىققان ەدٸ. الايدا, قاراپايىم كەش وسى وتباسى ٷشٸن ورنى تولماس قاسٸرەتكە اينالدى. جٸگٸت تۋعان اعاسىنىڭ قولىندا جان تاپسىرعان.
