تٷركٸستان قالاسىندا زاماناۋي ٷلگٸدەگٸ سپورت نىساندارى سالىنىپ جاتىر. ولاردىڭ قۇرىلىسى وبلىس ەكٸمٸ ٶمٸرزاق شٶكەەۆتٸڭ تٸكەلەي باقىلاۋىندا, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
بۇقارالىق سپورت پەن جوعارى جەتٸستٸكتەر سپورتىن دامىتۋ باعىتىندا وبلىس باسشىسىنىڭ باستاماسىمەن بٸرنەشە جاڭا سپورت ورتالىقتارى بوي كٶتەرگەن.
سپورت سالاسىنا ٷلكەن كٶڭٸل بٶلەتٸن وبلىس ەكٸمٸ قالاداعى جاڭا سپورت نىسانداردىڭ قۇرىلىس الاڭدارىن ارالادى. جاۋاپتى سالا باسشىلارىمەن كەزدەسٸپ, جۇمىستىڭ ساپاسىنا باسا نازار اۋدارۋدى تاپسىردى.
تٷركٸستاندا سالىنىپ جاتقان بارلىق عيماراتتار قالانىڭ كٶركٸ عانا ەمەس, تاريحي كەلبەتٸ مەن بولمىسىن ساقتاي وتىرىپ, زاماناۋي ارحيتەكتۋرانىڭ وزىق جەتٸستٸكتەرٸن پايدالانۋدا. عالىمدار مەن كەسٸبي مامانداردىڭ پٸكٸرٸ ەسكەرٸلٸپ, تاريحي كەلبەتٸن جوعالتپاۋعا باسىمدىق بەرٸلۋدە.
سپورت – ادام ٶمٸرٸنٸڭ اجىراماس بٶلشەگٸ ەكەنٸن جيٸ ايتاتىن ٶڭٸر باسشىسىنىڭ تاپسىرماسىمەن تٷركٸستاندا «مۇز سارايىنىڭ» قۇرىلىسى جٷرٸپ جاتىر. ەلەمدٸك ستاندارتتارعا ساي مۇز ايدىنى 1200 ادامعا ەسەپتەلگەن. جاڭا نىسان جىل سوڭىندا اشىلادى.
تٷركٸستان قالاسىندا سونداي-اق «تەننيس ورتالىعى», وليمپيادالىق رەزەرۆ مەكتەبٸنٸڭ ەكٸمشٸلٸك عيماراتى مەن جاتاقحاناسى, ب.ساتتارحانوۆ سپورت كەشەنٸ, «ات سپورتى كەشەنٸ» سەكٸلدٸ جاڭا سپورت نىساندارى اشىلادى.
35 گەكتار جەردە ورنالاسقان ات سپورتى كەشەنٸندە پولو-كلۋب, مانەج, ستەندتٸك اتىسقا ارنالعان الاڭقاي, ساداق اتۋعا ارنالعان الاڭ, كانال ارقىلى ٶتەتٸن كٶپٸر مەن اتپەن سەرۋەندەۋ ايماعى بولادى.
20 گەكتار جەردە ورنالاسقان «TURAN» فۋتبول اكادەميياسىنىڭ قۇرىلىسى قارقىندى. مۇندا سپورتشىلارعا ەۋروپانىڭ ٷزدٸك كلۋبتارىنداعىداي جاعداي جاسالماق. جاڭا كەشەندە ٷلكەن جەنە شاعىن 10 فۋتبول الاڭى بولادى. سونداي-اق نىساندا دوپينگ-باقىلاۋ كابينەتتەرٸ, 300 ورىندى قوناقٷي, سپورتشىلارعا ارنالعان مونشا, 3 مەيرامحانا, مەجٸلٸس زالدارى بار. ساۋىقتىرۋ ورنىندا مەديتسينالىق, ماسساج كابينەتتەرٸ مەن جەكە بلوكتار بار.
ەلٸمٸزدە تەڭدەسٸ جوق ەسكەك ەسۋ كانالىنا دا سۋ كەلدٸ. وبلىس ورتالىعىنداعى سپورت كەشەنٸنٸڭ قۇرىلىسى حالىقارالىق تالاپتارعا ساي جٷرگٸزٸلۋدە. جالپى اۋدانى 100 گەكتارعا جۋىق الاڭدا ورنالاسقان سۋ سپورتى كەشەنٸندە ۇزىندىعى 2,5 شاقىرىمعا سوزىلاتىن سۋ ارناسى سالىندى. ەمبەباپ وقۋ جاتتىعۋ بازاسىندا جوعارى دەڭگەيدەگٸ جارىستار ٶتكٸزٸلمەك. قۇرىلىستىڭ ەكٸنشٸ كەزەڭٸندە مۇندا وليمپيادالىق ستاندارتقا ساي ورتالىقتا قوناقٷيلەر, باسسەين, ەللينگ, كانوەگە ارنالعان پيرستەر, كٶرەرمەندەرگە ارنالعان جاي, كٶپٸرلەر سالىنادى. سپورت كەشەنٸندە ساپبوردينگ, سۋ شاڭعىسى, فلايبوردينگ, ۆەيكسەرفينگ, كانوپولو, دراگونبوت جەنە جاعاجاي ويىندار فۋتبولى, ۆولەيبول, گاندبول, رەگبي سەكٸلدٸ سۋ جەنە جاعاجاي سپورتىنىڭ تانىمال تٷرلەرٸنەن سايىستار ٶتەدٸ.
