تٷركٸستان وبلىسىنىڭ ەكٸمٸ دارحان ساتىبالدى سوزاق جەنە بەيدٸبەك اۋداندارىنا جۇمىس ساپارىمەن بارىپ, تۇرعىندارمەن كەزدەستٸ. سوزاق اۋدانىندا «بەلسەندٸ ۇزاق ٶمٸر جەنە تەڭ قوعام» ەلەۋمەتتٸك قىزمەتتەر كٶرسەتۋ ورتالىعى اشىلدى. وندا كٷنٸنە 30 مٷمكٸندٸگٸ شەكتەۋلٸ ازامات پەن ارداگەرلەرگە قىزمەت كٶرسەتٸلەدٸ. ارداگەرلەر مەن مٷمكٸندٸگٸ شەكتەۋلٸ جانداردىڭ جانىنا قاجەتتٸنٸڭ بەرٸ بار. دارحان ساتىبالدى ورتالىق جۇمىسىمەن تانىسىپ, ارداگەرلەر مەن مٷمكٸندٸگٸ شەكتەۋلٸ ازاماتتارمەن جٷزدەستٸ.
«اعا بۋىن قارييالارعا قۇرمەت كٶرسەتۋ – ۇرپاققا پارىز. بٸزدٸڭ قازىنالى قارتتارىمىز دەنساۋلىعىن تٷزەپ, باقىتتى ٶمٸر سٷرۋٸ تيٸس. پايدالانۋعا بەرٸلگەن جاڭا نىسان كٶپشٸلٸك سۇرانىسىن قاناعاتتاندىرادى دەپ سەنەمٸن», – دەدٸ وبلىس ەكٸمٸ.
سونىمەن بٸرگە وبلىس ەكٸمٸ اۋداندىق قورعانىس ٸستەر بٶلٸمٸنٸڭ جاڭادان سالىنعان عيماراتىندا بولدى, بٸرنەشە ەلەۋمەتتٸك نىساندى ارالاپ, جىلىتۋ ماۋسىمىنا دايىندىعىن سارالادى. ناقتى تاپسىرمالار بەردٸ.
«تەۋەلسٸزدٸك» ساياباعىندا سوزاق تۇرعىندارىنىڭ الدىندا سٶز العان تٷركٸستان وبلىسىنىڭ ەكٸمٸ دارحان ساتىبالدى اۋداندا اتقارىلىپ جاتقان جۇمىستاردى سالاعا بٶلٸپ, تٷسٸندٸرٸپ بەردٸ. الداعى جوسپارلارمەن بٶلٸستٸ. العاش ٸسساپارىن سوزاق اۋدانىنان باستاعان وبلىس ەكٸمٸ مەملەكەت باسشىسىنىڭ حالىققا جولداۋىنىڭ ەل اراسىندا ٷلكەن قولداۋعا يە بولعانىن ايتتى.
«بٸز ٷشٸن باستى مٸندەت – سٸزدەرگە ادال قىزمەت ەتۋ. بەرٸلگەن ۋەدەلەردٸ ورىنداۋ. سٸزدەردٸ تولعاندىرىپ جٷرگەن ەلەۋمەتتٸك جەنە باسقا دا ٶزەكتٸ مەسەلەلەردٸ بٸرگە تالقىلاۋ ٷشٸن كەلٸپ تۇرمىز. بۇل جەردە بارلىق باسقارما باسشىلارى جەنە قۇقىق قورعاۋ ورگاندارىنىڭ بٸرٸنشٸ باسشىلارى وتىر. 1 قىركٷيەك كٷنٸ مەملەكەت باسشىسى قاسىم-جومارت كەمەلۇلى قازاقستان حالقىنا ارناعان «ەدٸلەتتٸ مەملەكەت. بٸرتۇتاس ۇلت. بەرەكەلٸ قوعام» اتتى كەزەكتٸ جولداۋىندا پرەزيدەنت رەفورمالاردىڭ ناقتى 5 باعدارلارىن ايشىقتاپ بەردٸ. ولار ەلٸمٸزدٸڭ ەكونوميكالىق ٶسٸمٸن جەدەلدەتٸپ, حالىقتىڭ ٶمٸر سٷرۋ ساپاسى مەن ەل-اۋقاتىن جاقسارتۋدا ماڭىزدى رٶل اتقاراتىنى سٶزسٸز. جالپى, بەرٸمٸز ەلدٸڭ يگٸلٸگٸ ٷشٸن قىزمەت ەتۋٸمٸز قاجەت. وسىندا بەرٸلگەن ۋەدەلەر ورىندالادى», – دەدٸ د.ساتىبالدى.
جاڭا فورماتتا ٶتكەن حالىق الدىندا ەسەپتٸك كەزدەسۋدە ينفراقۇرىلىمدىق مەسەلەلەر باسىم بولدى. اۋىل تۇرعىندارىنىڭ ٶتٸنٸشتەرٸ بويىنشا جولدار جٶندەلٸپ, كٶشەلەر جارىقتاندىرىلۋدا. كٶتەرٸلگەن بارلىق مەسەلەلەر باقىلاۋعا الىنىپ, وبلىس باسشىسى تاراپىنان تيٸستٸ تاپسىرمالار بەرٸلدٸ.
كەزدەسۋدەن كەيٸن وبلىس ەكٸمٸ تۇرعىنداردى جەكە قابىلداپ, ولاردىڭ كٶتەرگەن مەسەلەلەرٸن تىڭدادى.
دارحان ساتىبالدى بەيدٸبەك اۋدانىنا جۇمىس ساپارىندا «قاپشاعاي» سۋ قويماسىنا بارىپ, جۇمىس بارىسىمەن تانىستى. اۋدان ٷشٸن عانا ەمەس, وبلىس ٷشٸن ماڭىزدى ستراتەگييالىق نىساننىڭ جٶندەۋ جۇمىستارى باستالىپ كەتكەن. جاۋاپتىلارمەن, مەردٸگەرمەن كەزدەسكەن وبلىس ەكٸمٸ سۋ قويماسىنىڭ قۇرىلىسى قوعام نازارىندا تۇرعانىن جەتكٸزدٸ.
ودان كەيٸن ٶڭٸر باسشىسى شايان ەلدٸ مەكەنٸندەگٸ 100000 كٸتاپ قورىنا ارنالعان ورتالىق كٸتاپحانا قۇرىلىسىن كٶردٸ. قوسىمشا قارجىلاندىرۋ مەسەلەسٸ كٶتەرٸلدٸ.
ٶڭٸر باسشىسى بەيدٸبەك جۇرتشىلىعىمەن كەزدەسٸپ, ۇسىنىستارى مەن ٶتٸنٸشتەرٸن تىڭدادى.
«بٷگٸن ٶزدەرٸڭٸزبەن ارنايى كەزدەسٸپ تۇرمىن. ماقسات – تالاپتارىڭىز بەن ۇسىنىستارىڭىزدى تىڭداۋ. بيۋدجەتتٸڭ جاعدايى بەلگٸلٸ. بارىنشا تيٸمدٸ قولدانىپ, بٸرٸنشٸ كەزەكتە باستالعان, قۇرىلىسى جٷرٸپ جاتقان جوبالاردى اياقتايمىز. ال نەگٸزٸنەن حالىققا اسا ماڭىزدى جارىق, جىلۋ, اۋىز سۋ مەسەلەلەرٸن شەشۋگە كٷش سالامىز. ەربٸر ٶتٸنٸش نازارعا الىنىپ, تيٸستٸ جۇمىس جٷرەدٸ», – دەدٸ دارحان ساتىبالدى.
تۇرعىندار تاراپىنان ٶڭٸر باسشىسىنا ينفراقۇرىلىمدى جاقسارتۋ, ەلەۋمەتتٸك جاعدايدى كٶتەرۋ جەنە ٶزگە دە مەسەلەلەر بويىنشا سۇراقتار قويىلىپ, جاۋاپتار بەرٸلدٸ. بەيدٸبەكتٸكتەر جاڭا ەكٸمنٸڭ جۇمىسىنا سەتتٸلٸك تٸلەپ, ەل ٷمٸتٸن اقتايتىنىنا سەنٸم بٸلدٸردٸ.
ودان كەيٸن د.ساتىبالدى بٸر توپ تۇرعىندى جەكە قابىلداپ, ٶتٸنٸشتەرٸن تىڭدادى. تۇرعىندار تاراپىنان كٶتەرٸلگەن ەربٸر مەسەلە نازارعا الىنىپ, زاڭعا سەيكەس تيٸستٸ جۇمىس اتقارىلادى.
ايماق باسشىسى شاعىن بيزنەستٸ دامىتۋ باعىتىندا اتقارىلاتىن جۇمىستاردى كٷشەيتۋ كەرەگٸن تٸلگە تيەك ەتتٸ. جەرگٸلٸكتٸ كەسٸپكەرلەردٸڭ ٶز ٶنٸمدەرٸ مەن اۋىل شارۋاشىلىعى تەحنيكالارى قويىلعان كٶرمەنٸ تاماشالاپ, اۋدان كەسٸپكەرلەرٸنٸڭ قادامىن وڭ باعالادى.
