تٷركٸستان وبلىسىندا جوعالعان جٸگٸتتٸڭ 75 ميلليون تەڭگە قارىزى بولعان. ول تانىستارىنان العان اقشانى قۇمار ويىنعا جۇمساپ وتىرىپتى, دەپ حابارلايدى قازاقپارات.
لەنگەر قالاسىنىڭ تۇرعىنى جاسى 30-عا جۋىقتاعان ۇلىنىڭ 4 تەۋلٸكتەن بەرٸ ٸز-تٷزسٸز كەتكەنٸن ايتىپ, پوليتسەيلەرگە حابارلاسقان.
تٶلەبي اپب قىزمەتكەرلەرٸ قالا كٶشەلەرٸن تەكسەرٸپ, فوتوسۋرەتٸن كٶرسەتۋ ارقىلى تۇرعىندار اراسىندا سۇراستىرۋ جۇمىستارىن جٷرگٸزدٸ. رەسپۋبليكا كٶلەمٸندە تەرتٸپ ساقشىلارىنا باعىتتامالار جولدانىپ, جوعالعان جٸگٸتتٸڭ ايرىقشا بەلگٸلەرٸن حابارلاعان. جاقىندارى مەن تۋىستارى, تانىستارى مەن بارۋى مٷمكٸن جەرلەر مۇقييات تەكسەرٸلگەن. ٸزدەۋ جۇمىستارىنا جەرگٸلٸكتٸ پوليتسييا قىزمەتٸنٸڭ ۋچاسكەلٸك پوليتسييا, جەدەل ۋەكٸلدەر مەن پاترۋلدٸك پوليتسەيلەر جۇمىلدىرىلدى. نەتيجەسٸندە تەرتٸپ ساقشىلارى جوعالعان جٸگٸتتٸ الماتى قالاسىندا جٷرگەن جەرٸنەن تاپتى.
«بەلگٸلٸ بولعانداي, ازامات ٶزٸنٸڭ تانىستارىنان 75 ميلليون تەڭگە قارىزعا اقشا الىپ, ونى قۇمار ويىنعا جۇمساپ جٸبەرگەن. ول ٶز سٶزٸندە قارىزعا العان اقشاسىن قايتارا الماعاندىقتان, الماتى قالاسىنا قاشىپ كەتۋگە مەجبٷر بولعانىن جەتكٸزدٸ» - دەلٸنگەن تٷركٸستان وبلىسى پوليتسييا دەپارتامەنتٸ تاراتقان حابارلامادا.
قازٸرگٸ تاڭدا جوعالىپ كەتكەن ورتا جاستاعى ازامات امان ەسەن وتباسىنا ورالدى. ۇلىمەن قاۋىشقان اناسى, بالاسىن ٸزدەستٸرۋدە كەسٸبيلٸكتەرٸن كٶرسەتٸپ, تاۋىپ بەرگەن پوليتسييا قىزمەتكەرلەرٸنە ريزاشىلىعىن بٸلدٸردٸ.
