تٷركٸستان وبلىسىنىڭ پوليتسەيلەرٸ قىزىل كٸتاپقا ەنگەن تاۋ ارقارىن ۇستاپ, سويىپ العان تۇرعىندى انىقتادى, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
ەكولوگييالىق قىلمىستاردىڭ الدىن الۋ جٶنٸندەگٸ “براكونەر” جەدەل-پروفيلاكتيكالىق ٸس-شاراسى بارىسىندا بەيدٸبەك اۋداندىق پوليتسييا بٶلٸمٸنٸڭ قىزمەتكەرلەرٸ جەرگٸلٸكتٸ تۇرعىننان ارقار ەتٸن تاپتى.
بەيدٸبەك اۋدانى تابيعاتتى قورعاۋ توبىنىڭ ينسپەكتورى الماس سەرٸكوۆ كٷندەلٸكتٸ جۇمىسىن اتقارۋ كەزٸندە تاۋلى ايماقتا اتتى ەر ادامدى بايقاپ, ونى توقتاتىپ, نە ماقساتپەن جٷرگەنٸن سۇراستىرادى. سونداي-اق تۇرعىننىڭ ٶزٸمەن بٸرگە الىپ كەلە جاتقان قابىنا كٶزٸ تٷسٸپ, كٷمەندانعان پوليتسەي تەكسەرۋ جٷرگٸزەدٸ. سول كەزدە قاپ ٸشٸنەن بەلگٸسٸز اڭنىڭ جاڭا سويىلعان ەتٸ تابىلىپ, تەركٸلەنٸپ الىنعان.
پوليتسەيلەر ەر ادامنان جاۋاپ الۋ بارىسىندا, ول قاپتاعى ەت ارقاردىڭ ەتٸ ەكەنٸن, ونى ۇستاعان كەزٸن ٶز ۇيالى تەلەفونىنا تٷسٸرٸپ العانىن ايتقان. مال باعىپ جٷرگەن جٸگٸت ٶزٸنٸڭ يتتەرٸمەن بٸرگە ارقاردى ۇستاپ العان. ودان كەيٸن جانۋاردى سويىپ, قايتىپ كەلە جاتقانىندا پوليتسەيگە ۇستالعان.
قازٸرگٸ ۋاقىتتا ساراپتاما تاعايىندالدى. بۇل دەرەك قر قك-نٸڭ 339-بابى (ٶسiمدiكتەردٸڭ نەمەسە جانۋارلاردىڭ سيرەك كەزدەسەتiن جەنە قۇرىپ كەتۋ قاۋپi تٶنگەن, سونداي-اق پايدالانۋعا تىيىم سالىنعان تٷرلەرٸمەن, ولاردىڭ بٶلٸكتەرٸمەن نەمەسە دەريۆاتتارىمەن زاڭسىز اينالىسۋ) بويىنشا تٸركەۋگە الىنىپ, سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
