تٷركٸستان وبلىسىندا شٶپ ارتىلعان جٷك كٶلٸگٸن ٶرتەپ جٸبەرگەن كٷدٸكتٸ ۇستالدى, - دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
وقيعا 8 قازاندا ساعات 21.50 شاماسىندا بولعان. سايرام اپب كەزەكشٸ بٶلٸمٸنە اۋىل كٶشەلەرٸنٸڭ بٸرٸندە شٶپ ارتىلعان گاز 53 جٷك كٶلٸگٸ جانىپ جاتقانى تۋرالى حابارلاما تٷسكەن.
"وقيعا ورنىنا جەدەل-تەرگەۋ توبىنىڭ قىزمەتكەرلەرٸ بٸردەن شىقتى. تەرتٸپ ساقشىلارى بەلگٸسٸز بٸرەۋ بەيدٸبەك اۋدانىنىڭ تۇرعىنىنا تيەسٸلٸ 280 بۋما شٶپ تيەلگەن جٷك كٶلٸگٸن ٶرتەپ جٸبەرگەنٸن انىقتادى. جەبٸرلەنۋشٸگە كەلتٸرٸلگەن شىعىننىڭ جالپى كٶلەمٸ شامامەن التى ميلليون تەڭگەگە جۋىق", - دەلٸنگەن حابارلامادا.
وقيعانىڭ تولىق مەن-جايىن انىقتاۋ ماقساتىندا پوليتسەيلەر قاجەتتٸ ٸس-شارالاردى جٷرگٸزٸپ, كۋەلاردان جاۋاپ العان. بەينەباقىلاۋ كامەرالارىن تەكسەرگەن.
"نەتيجەسٸندە جەدەل ۋەكٸلدەر جٷك كٶلٸگٸنە كەلٸپ, ونداعى شٶپتٸ ٶرتەپ جٸبەرگەن كٷدٸكتٸ ادامنىڭ بەينەسٸن كٶردٸ. ول وت قويعاننان كەيٸن ورىندىققا وتىرىپ, ٶرتتٸ باقىلاعان. جەدەل-ٸزدەستٸرۋ ٸس-شارالارى بارىسىندا پوليتسييا قىزمەتكەرلەرٸ كٷدٸكتٸ رەتٸندە سايرام اۋدانىنىڭ تۇرعىنىن انىقتادى. ەر ادام ماس كٷيدە بەلگٸسٸز سەبەپتەرمەن جەبٸرلەنۋشٸنٸڭ كٶلٸگٸن ٶرتەپ جٸبەرگەن", - دەلٸنگەن حابارلامادا.
قازٸرگٸ ۋاقىتتا دەرەك قر قك-نٸڭ 202-بابى "بٶتەننٸڭ مٷلكٸن قاساقانا جويۋ نەمەسە بٷلدٸرۋ" بويىنشا تٸركەلٸپ, سوتالدى تەرگەۋ امالدارى جٷرگٸزٸلٸپ جاتىر. كٷدٸكتٸ قاماۋعا الىنعان.
