تٷركٸستان وبلىسىندا 3,3 ملن توننا اۋىل شارۋاشىلىعى ٶنٸمٸ جينالىپ, رەكوردتىق كٶرسەتكٸشكە قول جەتكٸزٸلدٸ. بۇل تۋرالى ٶڭٸر ەكٸمٸ ٶمٸرزاق شٶكەەۆ ايتىپ بەردٸ, دەپ حابارلايدى قازاقپارات.
«بيىل 805,3 ملرد تەڭگەگە اۋىل شارۋاشىلىعى ٶنٸمٸ ٶندٸرٸلدٸ, اۋىل شارۋاشىلىعى داقىلدارى 842,4 مىڭ گەكتار جەرگە ەگٸلدٸ. ەگٸستٸكتٸ ەرتاراپتاندىرۋ جٷرٸپ جاتىر, ياعني سۋدى كٶپ تۇتىناتىن ماقتا, كٷرٸش سيياقتى داقىلدار قىسقارىپ, كٶكٶنٸس, باقشا, كارتوپ ٶنٸمدەرٸ كٶبەيدٸ. ولاردىڭ تٷسٸمدٸلٸگٸ ورتاشا 20 تسەنتنەرگە ٶسٸپ, ٶتكەن جىلدان 500 مىڭ تونناعا ارتتى. جالپى ٶڭٸردە 3,3 ملن توننا ٶنٸم جينالىپ, رەكوردتىق كٶرسەتكٸش بولدى», - دەدٸ ٶ. شٶكەەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ەكٸمنٸڭ ايتۋىنشا, ٶڭٸردەگٸ جىلىجايلار دا كەڭەيٸپ جاتىر, ونىڭ جالپى كٶلەمٸ 1 440 گەكتارعا جەتەدٸ. بۇل رەسپۋبليكانىڭ 71 %-ىن قۇرايدى.
«بٸر القاپتان جىلىنا 2-3 ٶنٸم الۋ» جوباسى اياسىندا 8,9 مىڭ گا 2 878 جوبا ٸسكە اسىپ, 280 مىڭ توننا كٶكٶنٸس ٶنٸمٸ جينالدى. رەسپۋبليكادا سۋارمالى جەرلەردٸڭ ٷشتەن بٸرٸ وبلىسقا تيەسٸلٸ. اعىن سۋدى تيٸمدٸ پايدالانۋ ماقساتىندا ىلعال ٷنەمدەۋ تەحنولوگييالارىن ەنگٸزۋ جولعا قويىلدى. بٷگٸنگٸ تاڭدا وبلىستا 4 مىڭ گەكتارعا جاڭبىرلاتىپ سۋارۋ جەنە 25,5 مىڭ گەكتارعا تامشىلاتىپ سۋعارۋ تەحنولوگييالارى ەنگٸزٸلدٸ. بۇدان بٶلەك, سوڭعى 2 جىلدا 172 شاقىرىم 23 كانالعا جٶندەۋ جەنە 241 شاقىرىم 121 قاشىرتقىعا مەحانيكالىق تازالاۋ جۇمىستارى جٷرگٸزٸلدٸ. نەتيجەسٸندە 92 مىڭ گا سۋارمالى جەردٸڭ مەليوراتيۆتٸك جاعدايى جاقساردى», - دەيدٸ ٶ. شٶكەەۆ.
«مال شارۋاشىلىعىندا مال باسى مەن ٶنٸمدٸلٸك 5%-عا ارتىپ, 291,4 ملرد تەڭگەگە ٶنٸم ٶندٸرٸلدٸ. ەت ەكسپورتى بويىنشا وبلىس رەسپۋبليكادا 1-ورىندا تۇر. بيىل اۋا-رايىنىڭ قۋاڭشىلىعىنا بايلانىستى بولعان مال ازىعى تاپشىلىعىن جويۋ ماقساتىندا اۋقىمدى جۇمىستار اتقارىلدى. سونىڭ نەتيجەسٸندە مال ازىعىن دايىنداۋ جوسپارى 108%-عا ورىندالىپ, 4 ملن توننادان استام ازىق جينالدى», - دەيدٸ ٶڭٸر باسشىسى.
