تٷركٸستان وبلىسىندا بەس جاسار قىز قاڭعىباس يتتٸڭ شابۋىلىنان اۋىر جاراقات الىپ, جانساقتاۋ بٶلٸمٸنە تٷستٸ. وقيعا ساۋران اۋدانىنا قاراستى ەسكٸ يقان اۋىلىندا بولعان, دەپ حابارلايدى ult.kz.
وtyrar.kz ارناسىنىڭ حابارلاۋىنشا, بٷلدٸرشٸن كٷندٸز اۋىل بالالارىمەن بٸرگە سىرتتا ويناپ جٷرگەن كەزدە يت تاپ بەرگەن. قانسىراعان بالا شۇعىل تٷردە اۋرۋحاناعا جەتكٸزٸلٸپ, دەرٸگەرلەر دەرەۋ وتا جاساعان.
اق حالاتتىلاردىڭ مەلٸمەتٸنشە, يت قىزدىڭ بەت تۇسىنان قاتتى قاپقان. دەرٸگەرلەر بالانىڭ ٶمٸرٸنە قاۋٸپ جوق ەكەنٸن ايتقانىمەن, بەتٸندە تىرتىق قالۋى مٷمكٸن ەكەنٸن ەسكەرتتٸ. سونىمەن قاتار, شابۋىل كەزٸندە قۇلاپ قالعان بٷلدٸرشٸن باسىنان دا جاراقات العان.
قازٸر قىزدىڭ جاعدايى تۇراقتى, قاجەتتٸ ەم قابىلداپ جاتىر.
جەرگٸلٸكتٸ تۇرعىنداردىڭ سٶزٸنشە, اۋىلدا قاڭعىباس يت مەسەلەسٸ بۇرىننان ٶزەكتٸ. تۇرعىندار مۇنداي جاعدايدىڭ العاش رەت بولىپ تۇرماعانىن ايتىپ, قاۋٸپسٸزدٸك شارالارىن كٷشەيتۋدٸ تالاپ ەتۋدە.
ساۋران اۋداندىق ەكٸمدٸگٸ شابۋىل جاساعان يتتٸ انىقتاۋ جۇمىستارى جٷرٸپ جاتقانىن حابارلادى. بٸر يت ۇستالىپ, زەرتحاناعا جٸبەرٸلگەن. ال پوليتسييا جانۋاردىڭ يەسٸن انىقتاۋعا كٸرٸسكەن.
رەسمي مەلٸمەتكە سەيكەس, اۋداندا بيىل قاڭعىباس يتتەردٸ اۋلاۋ جۇمىستارىنا 6,5 ميلليون تەڭگە بٶلٸنگەن. جىل باسىنان بەرٸ 50-گە جۋىق يت ۇستالعان.
