فوتو: Polisia.kz
تٷركٸستان وبلىسىندا اۋا رايىنىڭ قولايسىزدىعىنا بايلانىستى پوليتسييا كٷشەيتٸلگەن تەرتٸپپەن قىزمەت ەتٸپ جاتىر, – دەپ حابارلايدى "ۇلت اقپارات" Polisia.kz مەديا-پورتالىنا سٸلتەمە جاساپ.
"تٷركٸستان وبلىسى اۋماعىنداعى قولايسىز اۋا رايىنا بايلانىستى جول جابىلىپ, پوليتسييانىڭ كٷشەيتٸلگەن تەرتٸپپەن قىزمەت ەتٸپ جاتقانىنا بٷگٸن ەكٸنشٸ كٷن.
جول اپاتتارىن بولدىرماۋ مەن تۇرعىنداردىڭ قاۋٸپسٸزدٸگٸن قامتاماسىز ەتۋ ماقساتىندا پوليتسييا قىزمەتكەرلەرٸ تەۋلٸك بويى رەسپۋبليكالىق, وبلىستىق ماڭىزى بار جولدارعا جۇمىلدىرىلدى. مەسەلەن, 1 اقپاندا سوزاق اۋدانىنداعى وبلىستىق ماڭىزى بار شولاققورعان – اششىساي – كەنتاۋ جولى مەن جامبىل وبلىسىمەن شەكارالاس اۋماقتاعى حالىقارالىق الماتى – تاشكەنت – تەرمەز جولىنىڭ 534-593 شاقىرىمى قار مەن بوراننىڭ سالدارىنان كٶرۋ مٷمكٸنشٸلٸگٸ جوق بولۋىنا سەيكەس جابىلدى" - دەلٸنگەن حابارلامادا.
پورتال مەلٸمەتٸنشە, بارلىق ترانسپورت قوزعالىسىنا شەكتەۋ قويىلىپ, جولاۋشىلار جىلى جەنە قاۋٸپسٸز ورىندارعا جەتكٸزٸلٸپ جاتىر.
"بارشا ازاماتتاردان جولعا شىقپاۋلارىن سۇرايمىز! ۇزاق جولعا شىعۋ اسا قاجەت بولىپ جاتسا, كٶلٸكتٸ دايىنداپ, كٶپ مٶلشەردە جانار-جاعارمايمەن قامداپ, قوسىمشا سىرتقى جىلى كيٸمدەر مەن ازىق-تٷلٸك الۋدى ۇسىنامىز. سونداي-اق مٸندەتتٸ تٷردە جول قوزعالىسى ەرەجەلەرٸن ساقتاپ, جىلدامدىقتى اسىرماۋعا شاقىرامىز", – دەيدٸ پوليتسەيلەر.
