تٷركٸستان وبلىسى, تٶلەبي اۋدانىنىڭ تاۋلارىندا وقۋشىلاردىڭ جوعالۋىنا جەنە ولاردىڭ بٸرٸنٸڭ قازا بولۋىنا بايلانىستى قىلمىستىق ٸس قوزعالدى. بۇل تۋرالى ٶڭٸرلٸك پوليتسييا دەپارتامەنتٸنٸڭ باسپاسٶز حاتشىسى سالتانات قاراكٶزوۆا مەلٸم ەتتٸ, دەپ حابارلايدى "ۇلت اقپارات".
15 ماۋسىم كٷنٸ تٷركٸستان وبلىسىندا تاۋعا دەمالۋعا شىققان وقۋشىلار جوعالىپ كەتكەنٸ تۋرالى جازعان بولاتىنبىز. «بٸركٶلٸك» دەمالىس ايماعىندا 22 وقۋشى مەن 3 ەرەسەك ادام تاۋ بٶكتەرٸنە شىعىپ, 3 وقۋشى اداسىپ قالعان. 16 ماۋسىم ساعات 00:58-دە شىمكەنت قالالىق تجد-نىڭ ٸزدەستٸرۋ توبى جاردان قۇلاپ كەتكەن 2003 جىلى تۋعان جاسٶسپٸرٸمنٸڭ دەنەسٸن تاۋىپ, تٶمەنگە تٷسٸرگەن ەدٸ.
«بۇل جايت تٶلەبي اۋداندىق پوليتسييا بٶلٸمٸندە تٸركەلٸپ, قر قك-نٸڭ 141 بابىنا سەيكەس سوتقا دەيٸنگٸ تەرگەۋ امالدارى جٷرگٸزٸلۋدە. بولعان وقيعانىڭ مەن-جايى تەرگەۋ بارىسىندا انىقتالادى», - دەدٸ سالتانات قاراكٶزوۆا.
قۇتقارۋ قىزمەتٸنٸڭ مەلٸمەتٸنشە, تاۋعا شىققان جاسٶسپٸرٸمدەردٸڭ بارلىعى - سارىاعاش اۋدانى, اقجار اۋىلى, ابىلايحان اتىنداعى №28 ورتا مەكتەپتٸڭ 10-سىنىپ وقۋشىلارى.
قازٸرگٸ ۋاقىتتا تاۋعا كەتكەن 2 وقۋشىنىڭ جٷرگەن جەرٸ انىقتالىپ, ولارمەن بايلانىس ورناتىلعان. قۇتقارۋشىلار الپينيستٸك قۇرال-جابدىقتاردى قولدانا وتىرىپ, ولاردىڭ بٸرەۋٸن تٷسٸرٸپ ٷلگەرگەن. ال, ەكٸنشٸ بالانى قۇتقارۋ وپەراتسيياسى ەلٸ دە جٷرگٸزٸلۋدە. الايدا, جارتاستى جەرلەر, بيٸك تاۋلار مەن تٸك بەتكەيلەرگە بايلانىستى قۇتقارۋ جۇمىستارى قيىنداي تٷسۋدە.
