كٶرنەكٸ سۋرەت: mkchita.ru
تٷركٸستان وبلىسىندا مەكتەپ وقۋشىلارى اراسىندا جاپپاي تٶبەلەس بولدى, دەپ حابارلايدى Otyrar.kz.
پورتال مەلٸمەتٸنشە, وقيعا سالدارىنان 9 سىنىپ وقۋشىسى قاتتى سوققى الىپ, اۋرۋحاناعا تٷستٸ. جاسٶسپٸرٸمنٸڭ باس سٷيەگٸ سىنعان. سونداي-اق 20 بالا ۇستالدى. تەرتٸپ ساقشىلارى ۇستالعان 20 بالا ٸشٸنەن تەك 1 بالانىڭ ٷستٸنەن قىلمىستىق ٸس قوزعاعان.
قۇسشى اتا اۋىلىندا 60-تان استام بالا تٶبەلەس شىعارعان. ەلدٸمەكەننٸڭ بٸر جاعى كەنتاۋ قالاسىنا قاراسا, ەكٸنشٸ بٶلٸگٸ ساۋران اۋدانىنا تيەسٸلٸ. سوندىقتان بولار, مۇنداي جايت جيٸ قايتالانىپ تۇرادى ەكەن.
بۇل جولعى تٶبەلەستٸڭ سوڭى قان-جوسا قىرعىنعا ۇلاسقان. تٸپتٸ, تٶبەلەس كەزٸندە وقۋشىلار لاقتىرعان تاستار كٶشە بويىنداعى ٷيلەردٸ بٷلدٸرگەن.
تٶبەلەس كەزٸندە 9 سىنىپ وقۋشىسى قاتتى سوققى العان. جاسٶسپٸرٸمنٸڭ باس سٷيەگٸ سىنىپ كەتٸپتٸ. سالدارىنان قان توقتاماي, دەرٸگەرلەر وتا دا جاساعان.
فوتو: Otyrar.kz
اۋىلداعى ەكٸ مەكتەپتٸڭ وقۋشىلارى قايتا-قايتا جاعا ۇستاسىپ قالا بەرگەندٸكتەن, مەكتەپ ەكٸمشٸلٸگٸ جينالىس تا ٶتكٸزگەن. الايدا نەتيجەسٸن بەرمەپتٸ. بۇل جولى تٶبەلەس تٷن ورتاسىندا ورىن العان.
قازٸر تەرگەۋ جۇمىستارى جٷرگٸزٸلٸپ جاتىر. تەرتٸپ ساقشىلارى 10 سىنىپ وقۋشىسىنا قاتىستى قىلمىستىق ٸس قوزعاعان.
“تەرگەۋگە 20 شاقتى بالا جەتكٸزٸلدٸ. قازٸر تەرگەۋ جٷرٸپ جاتىر. كٷدٸكتٸ ٶز كٸنەسٸن مويىنداپ, بولعان وقيعا بارىسى انىقتالىپ جاتىر. اۋرۋحاناداعى بالانىڭ باسىنان بٸر بالا عانا ۇرعان ەكەن” - دەيدٸ كەنتاۋ قالالىق پب باستىعى ەرلان قىدىروۆ.
پوليتسەيلەر ٸس تەك ۇستالعان بالالارمەن عانا جابىلمايتىنىن جەتكٸزدٸ. اۋىل جاستارىنان سۇراق-جاۋاپ الىنادى. جاپپاي تٶبەلەسكە قاتىسقاندار كٶرسەتكٸشٸن ارنايى كوميسسييا ٶكٸلدەرٸ بەكٸتەدٸ.
