بٷگٸن تٷركٸستان وبلىسىنىڭ ەكٸمٸ جانسەيٸت تٷيمەباەۆتىڭ تٶراعالىعىمەن وبلىس ەكٸمدٸگٸندە كەڭەيتٸلگەن مەجٸلٸس ٶتتٸ. كٷن تەرتٸبٸندە كٶپبالالى انالار مەن جاعدايى تٶمەن وتباسىلارعا كٶمەك بەرۋ مەسەلەسٸ قارالدى.
باسقوسۋدا ەلەۋمەتتٸك سالا بويىنشا اتقارىلىپ جاتقان جۇمىستار تۋرالى وبلىس ەكٸمٸنٸڭ ورىنباسارى ەربول سادىر بايانداما جاسادى. مەلٸمەتٸنە سەيكەس, 2018 جىلى "نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان «ەڭبەك» مەملەكەتتٸك باعدارلاماسى" شەڭبەرٸندە 69,7 مىڭ ادامعا جۇمىسپەن قامتۋ شارالارى كٶرسەتٸلگەن. ونىڭ ٸشٸندە, 29,4 مىڭ ادام نەمەسە 42,2 پايىزى از قامتاماسىز ەتٸلگەن وتباسىلاردىڭ ازاماتتارى قاتارىنان.
"2018 جىلى وبلىس بويىنشا 34389 وتباسىعا (195 620 ادام) جالپى سوماسى 15 ملرد. 674,5 ملن.تەڭگە كٶلەمٸندە اتاۋلى ەلەۋمەتتٸك كٶمەك تاعايىندالدى. ونىڭ ٸشٸندە, شارتتى اقشالاي كٶمەك 30702 وتباسىعا (179 801 ادام) 14 ملرد. 772,4 ملن.تەڭگە, ال شارتسىز اقشالاي كٶمەك 3687 وتباسىعا (15 819 ادام) 902,1 ملن.تەڭگە. اتاۋلى ەلەۋمەتتٸك كٶمەكپەن قاتار از قامتىلعان وتباسىلارعا تۇرعىن ٷي كٶمەگٸ كٶرسەتٸلۋدە. 2018 جىلى از قامتىلعان 4367 وتباسىعا (250 09 ادام) 152,3 ملن. تەڭگەگە تۇرعىن ٷي كٶمەگٸ كٶرسەتٸلدٸ. جالپى ەلەۋمەتتٸك كٶمەك الۋشىلاردىڭ قاتارىنداعى كٶپبالالى وتباسىلاردىڭ ٷلەسٸ 50 پايىزعا جۋىق (16,5 مىڭ وتباسى)", - دەدٸ ە.سادىر.
بۇل جۇمىستاردىڭ وسى جىلى دا جالعاسىن تاباتىنىن ايتقان وبلىس ەكٸمٸنٸڭ ورىنباسارى 2019 جىلى اتاۋلى ەلەۋمەتتٸك كٶمەك الۋشىلاردىڭ سانى 207,5 مىڭ ادامعا جوسپارلانىپ, اتاۋلى ەلەۋمەتتٸك كٶمەك بويىنشا قارجى قاجەتتٸلٸگٸ 13,6 ملرد.تەڭگە قۇرايتىنىن باياندادى. ونىڭ 50 پايىزى كٶپبالالى وتباسىلارعا ارنالعان.
مۇنان سوڭ, مٸنبەرگە وبلىستىق بٸلٸم باسقارماسىنىڭ باسشىسى يساتاي ساعىندىقوۆ, دەنساۋلىق ساقتاۋ باسقارماسىنىڭ باسشىسى مۇقان ەگٸزباەۆ, وبلىستىق وتباسى, بالالار جەنە جاستار ٸستەرٸ جٶنٸندەگٸ باسقارماسىنىڭ باسشىسى بالمارجان ناربەكوۆا شىعىپ, سالالار بويىنشا اتقارىلعان جۇمىستاردىڭ بارىسىنا توقتالدى. سالاداعى جەتٸستٸكتەرمەن قاتار, شەشٸمٸن تابۋدى قاجەت ەتەتٸن مەسەلەلەردٸ وڭتايلاندىرۋدا ۇسىنىس-پٸكٸرلەرٸن بٸلدٸردٸ.
مەجٸلٸس سوڭىن وبلىس ەكٸمٸ قورىتىندىلاپ, ٶڭٸردەگٸ كٶپبالالى وتباسىلار تۋرالى ناقتى اقپاراتتى دايىنداۋدان باستاپ, ولارعا كٶرسەتٸلەتٸن مەملەكەتتٸك, ەلەۋمەتتٸك كٶمەك تٷرلەرٸ سىندى بارلىق قولداۋلاردى انىقتاۋدى تاپسىردى.
"ٶتٸنٸش بٸلدٸرگەن كٶپبالالى انالاردى جۇمىسپەن قامتۋعا جەردەم بەرۋدٸ, كەدەيلٸك شەگٸنەن تٶمەن وتباسىلارعا جەرگٸلٸكتٸ بيۋدجەت ەسەبٸنەن 5-10 اەك كٶلەمٸندە ماتەريالدىق كٶمەك بەرۋ مٷمكٸندٸگٸن قاراستىرىپ, ناقتى ۇسىنىس ەنگٸزۋدٸ تاپسىرامىن. سونىمەن بٸرگە, مەكتەپتەرگە بٸرٸڭعاي مەكتەپ فورماسىن ەنگٸزٸپ, ونىڭ ٸشٸندە كٶپبالالى وتباسىلاردان شىققان وقۋشىلاردى تەگٸن فورمامەن قامتاماسىز ەتۋ بويىنشا ناقتى ۇسىنىس ەنگٸزٸلسٸن. وبلىستىق بيۋدجەتتەن سۋبسيدييالاۋ ارقىلى بارلىق وقۋشىلارعا 50 پايىز كٶلەمٸندە ارزانداتىلعان تاماق ۇيىمداستىرۋ, تاماقتانۋ كومبيناتتارىن قۇرۋ بويىنشا دا ۇسىنىستار ەزٸرلەڭٸزدەر. مۇنان بٶلەك, بارلىق مەديتسينالىق مەكەمەلەرگە «كٶپبالالى انالار كەزەكسٸز قابىلدانادى» دەگەن جارنامالار ورناتۋدى, بارلىق اۋرۋحانالاردا كٶپبالالى انالارعا ارنايى پالاتا ارناۋدى, سونداي-اق وسى ساناتتاعى انالاردى زاڭ اياسىندا اۋرۋحانالارعا پورتالسىز جەنە كەزەكسٸز قابىلدانۋ مٷمكٸندٸگٸن قاراستىرۋدى جەنە ساناتورييلەردە ەم قابىلداۋ ٷشٸن زاڭ اياسىندا جولداما بٶلۋدٸ قاراستىرۋدى, سونىمەن قاتار, قىمبات مەديتسينالىق قىزمەتتەردٸ كٶپبالالى انالارعا تەگٸن كٶرسەتۋ بويىنشا مٷمكٸندٸكتەردٸ قاراستىرىپ, ناقتى ۇسىنىس ەنگٸزۋدٸ تاپسىرامىن", - دەدٸ ج.تٷيمەباەۆ.
تاپسىرمالارىنىڭ ٸشٸندە ايماق باسشىسى مەملەكەتتٸك تۇرعىن ٷي قورىنان ٷي الۋعا كٶپبالالى وتباسىلار تٸزٸمٸن انىقتاپ, بٸرٸنشٸ كەزەكتە ٷي بەرٸلۋ بويىنشا ۇسىنىس ەنگٸزۋ جايىن دا ۇمىت قالدىرعان جوق. سونىمەن بٸرگە, اتالعان ساناتتاعى انالاردىڭ قوعامدىق كٶلٸكتەردە «جەڭٸلدەتٸلگەن باعامەن جٷرۋ بيلەتتەرٸن» ەنگٸزۋدٸ نەمەسە تەگٸن تاسىمالدانۋىن زاڭعا سەيكەس قاراستىرىپ, تيٸستٸ ۇسىنىس ەنگٸزۋدٸ دە جاۋاپتى مەكەمە باسشىلارىنا جٷكتەدٸ.
