تٷركٸستان وبلىسىندا قاتتى بوران سالدارىنان تٷركٸستان قالاسى مەن 8 اۋداندا ەلەكتر جەلٸلەرٸ ٷزٸلٸپ, جارىق سٶنٸپ قالدى. قازٸر 44 ەلدٸ مەكەن تۇرعىندارى جارىقسىز وتىر, دەپ حابارلايدى قازاقپارات.
قارلى بوران سالدارىنان بٷگٸن ماشات تاۋ شاتقالىنان جامبىل وبلىسىنا دەيٸنگٸ جەنە بەيدٸبەك پەن سوزاق اۋداندارى اراسىنداعى جول قوزعالىسى توقتاتىلدى. سونداي-اق شولاققورعاننان اششىسايعا دەيٸنگٸ جولدار جابىلدى. ٶڭٸردە تٷركٸستان قالاسى مەن 8 اۋدانداعى 44 ەلدٸ مەكەندە ەلەكتر جەلٸلەرٸ ٷزٸلٸپ, جارىق سٶنٸپ قالدى. قازىعۇرت اسۋىندا دا جول جٷرۋ بٸرشاما قيىندىقتار تۋعىزۋدا. قازٸر مۇندا تاسجولعا تۇز بەن قۇم سەبٸلٸپ, ارنايى تەحنيكا تاڭەرتەڭنەن بەرٸ جولدى تازارتىپ جاتىر. بۇل جۇمىستارعا 16 تەحنيكا جۇمىلدىرىلعان.
ال وبلىستىق تٶتەنشە جاعدايلار قىزمەتٸ شۇعىل شارالار قابىلداپ, كٷشەيتٸلگەن جۇمىس تەرتٸبٸنە كٶشتٸ. جۇرتتى الىس ساپارعا شىقپاۋدى ەسكەرتۋدە.
«وسى اۋا رايىنىڭ ٶزگەرۋٸنە بايلانىستى تجد بازاسىندا وبلىستىق شتاب قۇرىلدى. جەنە بٸر قالا سەگٸز اۋداندا ەلەكتر جارىعى ٶشكەن جەنە جولداردىڭ جابىلۋى ورىن الىپ جاتقان اۋدانداردا ساقتىق شارالارى جۇمىستار جٷرگٸزٸلۋدە», - دەيدٸ وبلىستىق تجد باستىعىنىڭ ورىنباسارى ەرٸك سارىباەۆ.
