تٷركٸستان وبلىسىندا ەنەسٸ دە, كەلٸنٸ دە, قىزدارى دا كٶپبالالى وتباسى تۇرادى. جەتٸساي اۋدانىنا قاراستى جىلىسۋ اۋىلىنداعى سٷتتٸباەۆتار وتباسىن اۋىل جۇرتى كٶپكە ٷلگٸلٸ جانۇيا رەتٸندە جاقسى تانيدى, دەپ حابارلايدى قازاقپارات.
بيىل 80-گە كەلگەن وتاناسى زەۋرە ەجە 13 قۇرساق كٶتەرٸپ, 11 بالانى تەربيەلەپ جەتكٸزگەن.
باتىر انانىڭ قىزدارى مەن كەلٸندەرٸ قارت انانىڭ جولىن قۋعان. سوندىقتان بۇل وتباسى اۋىل ٸشٸندە ەرەكشە قۇرمەتكە بٶلەنگەن.
شاڭىراقتىڭ ۇيىتقىسى بولعان زەۋرە ەجە بۇل ەۋلەتكە 15 جاسىندا كەلٸن بولىپ تٷسكەنٸن ايتادى.
الايدا وتاعاسى ٷيدٸڭ جالعىز بالاسى بولعاندىقتان, پەرزەنتتەرٸنٸڭ كٶپ بولعانىن ارمانداعان.
جاس كەزٸندە اتا-ەنەسٸنە دە قاراپ, ەرٸنٸڭ دە جاعدايىن جاساپ, بالا-شاعاسىن دا باعىپ, بەرٸنە ٷلگەرۋگە تىرىسقان. ٶزٸ اتا-اناسىز جەتٸم ٶسكەندٸكتەن جاستايىنان بەينەتتٸ دە كٶپ كٶرگەن.
بالالارىنىڭ كەيبٸرٸن ٷيدە بوسانسا, بٸرەۋٸن ات اربانىڭ ٷستٸندە, قالعاندارىن پەرزەنتحاناعا جۇمىستان جاياۋ بارىپ بوسانعان ەكەن.
«كٸشكەنتايىمنان كەلٸپ قارا جۇمىس ٸستەدٸم. جاياۋ كەلٸپ ەگٸز دە تۋدىم, جالقى دا تۋدىم. قۇدايدىڭ بەرگەن 13 بالاسىن تۋدىم, سونىڭ 11 بار. ەۋەلٸ اللا, ودان كەيٸن اتا-ەنەمنٸڭ ارقاسىندا جەتتٸم بەرٸنە. قىزىم دەۋشٸ ەدٸ مەنٸ. بٸر بالام ەكەۋ بولدى دەپ, مىناۋ بالا ٶمٸرگە كەلگەن جىلاپ تا الدى. مەن ەر بوسانعان سايىن قۋاناتىن. سٶيتٸم جٷرٸپ ٶسٸپ-ٶندٸك», - دەيدٸ باتىر انا.
«الما اعاشىنان الىسقا تٷسپەيدٸ» دەمەكشٸ, بۇل ەۋلەتتٸڭ قىزدارى مەن كەلٸندەرٸ دە قارييانىڭ جولىن جالعاپ, كٶپبالالى وتباسىنا اينالعان.
زەۋرە ەجە قازٸر بەس قىز, التى بالاسىنان 75 نەمەرە مەن 26 شٶبەرە, 6 شٶپشەك سٷيٸپ وتىر. قولىنداعى كٸشٸ كەلٸنٸ ساپاركٷل دە كٶپبالالى انا اتانعان.
«بۇل ەۋلەتكە التىنشى كەلٸن بولىپ تٷستٸم. الدىمدا 6 ابىسىنىم, بەس قايىناعام بار. سول كٸسٸلەردٸڭ جولىمەن, ەڭ الدىمەن ەنەمنٸڭ تەربيەسٸن الىپ كەلەمٸن. ٷيرەتكەندەرٸن ٶمٸرٸمدە پايدالانىپ, قولدانىپ كەلەمٸن. ەنەمنٸڭ اقىلى - ٷلكەن مەكتەپ. توي-تومالاق بولسا, بٸر تويدىڭ قىزمەتٸن ٶزٸمٸز-اق اتقارىپ تاستايمىز»,- دەيدٸ ساپاركٷل شورابەكوۆا.
ايتا كەتەيٸك, جەتٸساي اۋدانىندا سٷتتٸباەۆتار ەۋلەتٸ سيياقتى 16 مىڭعا جۋىق كٶپبالالى وتباسى تۇرادى.
ونىڭ ٸشٸندە 18 جاسقا دەيٸنگٸ بالاسى بار انالاردىڭ سانى - 8 مىڭعا جۋىق.
بۇدان بٶلەك, 369 باتىر انا, 1700-گە جۋىق التىن, 5 مىڭنان اسا كٷمٸس القا يەگەرلەرٸ بار. ال, 749 انا 1,2 دەرەجەلٸ انا داڭقى وردەندەرٸمەن ماراپاتتالعان.
