تٷركٸستان قالاسى مەن وبلىستىڭ بٸرنەشە اۋدانىندا كەمەلەتكە تولماعاندارعا جىنىستىق زورلىق جاسادى دەگەن كٷدٸكپەن ٷش ەر ادام ۇستالىپ, قاماۋعا الىنعان. بۇل تۋرالى ادۆوكات لەززات راقىشەۆا ەلەۋمەتتٸك جەلٸدەگٸ پاراقشاسىندا مەلٸمدەدٸ, دەپ حابارلايدى ult.kz.
ادۆوكاتتىڭ ايتۋىنشا, تٷركٸستان قالاسىندا 61 جاستاعى ەر ادام 6 جاستاعى قىزعا جىنىستىق زورلىق جاسادى دەگەن كٷدٸككە ٸلٸنگەن. ول قاماۋعا الىنعان.
ساۋران اۋدانىندا 53 جاستاعى ازامات 7 جاستاعى قىزعا قاتىستى وسىنداي قىلمىس جاسادى دەگەن كٷدٸكپەن ۇستالعان. ال شاردارا اۋدانىندا 31 جاستاعى ەر ادام 16 جاستاعى جاسٶسپٸرٸمگە جىنىستىق زورلىق كٶرسەتتٸ دەگەن كٷدٸككە ٸلٸنگەن.
لەززات راقىشەۆا قىلمىستىق ٸس اياقتالعاننان كەيٸن بالالاردىڭ ەرٸ قارايعى تاعدىرىنا الاڭدايتىنىن جەتكٸزدٸ.
ادۆوكاتتىڭ مەلٸمەتٸنشە, بۇعان دەيٸن تٷركٸستان وبلىسىندا جىنىستىق زورلىقتان زارداپ شەككەن ەكٸ بالانىڭ اتا-اناسى كٷدٸكتٸلەردەن اقشا الىپ, ٸستٸ جەڭٸل باپقا قايتا سارالاۋعا كەلٸسكەن جاعدايلار بولعان.
ونىڭ سٶزٸنشە, بٸر وتباسىنا 5 ميلليون تەڭگە, ەكٸنشٸسٸنە 2 ميلليون تەڭگە ۇسىنىلعان. كەيٸن اتا-انالار كٷدٸكتٸلەردٸ كەشٸرگەن.
راقىشەۆا مۇنداي جاعدايدا باستى نازار بالانىڭ قاۋٸپسٸزدٸگٸ مەن پسيحولوگييالىق جاعدايىنا اۋدارىلۋى كەرەك ەكەنٸن اتاپ ٶتتٸ. ونىڭ پٸكٸرٸنشە, جىنىستىق زورلىقتان زارداپ شەككەن بالالارعا كٶمەك تەك تەرگەۋ كەزٸندە عانا ەمەس, قىلمىستىق ٸس اياقتالعاننان كەيٸن دە كٶرسەتٸلۋٸ قاجەت.
ادۆوكات بالالاردىڭ پسيحولوگييالىق جاراقاتىن جەڭٸلدەتۋ ٷشٸن كەسٸبي مامانداردىڭ ۇزاق مەرزٸمدٸ قولداۋى ماڭىزدى ەكەنٸن ايتتى.
