تٷركٸستان وبلىسىنان ەلٸمٸزدٸڭ باتىس ٶڭٸرلەرٸنە 67 ۆاگون شٶپ جٸبەرٸلدٸ, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
شٶپ تيەلگەن ۆاگوندار سارىاعاش قالاسىنىڭ تەمٸرجول ستانساسىنان جولعا شىقتى. ونىڭ بٸرنەشەۋٸ كٶرشٸ قىزىلوردا وبلىسىنا باعىتتالعان. بيىلعى اۋا رايىنىڭ قۋاڭشىلىعىنا بايلانىستى بۇل ٶڭٸردە دە مال ازىعى تاپشىلىعى ورىن العانى بەلگٸلٸ.
تٷركٸستان وبلىسى ەكٸمدٸگٸ تاراپىنان باتىس وبلىستاردىڭ شارۋالارىنا مال ازىعىن جٶنەلتٸپ, كٶمەك كٶرسەتۋ جٶنٸندەگٸ ەرٸكتٸلەر مەن دەمەۋشٸلەردٸڭ اتقارىپ وتىرعان جۇمىستارىنا جان-جاقتى قولداۋ كٶرسەتٸلۋدە. قاجەتتٸلٸك بولعان جاعدايدا «قازاقستان تەمٸر جولى» ۇك» اق-ى جەنە تٷركٸستان وبلىسى ەكٸمدٸگٸ, دەمەۋشٸلەر ەسەبٸنەن قوسىمشا 100 ۆاگون بٶلۋگە كەلٸسٸم بار.
قۇرعاقشىلىق تٷركٸستان وبلىسىندا دا ورىن الدى. دەگەنمەن, بٷگٸنگٸ تاڭدا ٶڭٸردەگٸ جاعداي تۇراقتى. تابيعي شٶپ بٸتٸك شىقپاعانىنا قاراماستان, ەگٸستٸكتٸ ەرتاراپتاندىرۋ ورمان قورىنداعى بوسالقى جايىلىم جەرلەر شارۋالاردىڭ ۋاقىتشا پايدالانۋىنا بەرۋ شارالارىنىڭ نەتيجەسٸندە وبلىستاعى مال باسىنا قاجەتتٸ 3,9 ملن توننا مال ازىعىن 100 % دايىنداۋعا تولىق مٷمكٸندٸكتەر بار.
