Túrkistan oblysynan elimizdiń batys óńirlerine 67 vagon shóp jiberildi, dep habarlaidy "Ult aqparat" óńir basshysynyń baspasóz qyzmetine silteme jasap.
Shóp tielgen vagondar Saryaǵash qalasynyń temirjol stansasynan jolǵa shyqty. Onyń birnesheýi kórshi Qyzylorda oblysyna baǵyttalǵan. Biylǵy aýa raiynyń qýańshylyǵyna bailanysty bul óńirde de mal azyǵy tapshylyǵy oryn alǵany belgili.
Túrkistan oblysy ákimdigi tarapynan Batys oblystardyń sharýalaryna mal azyǵyn jóneltip, kómek kórsetý jónindegi eriktiler men demeýshilerdiń atqaryp otyrǵan jumystaryna jan-jaqty qoldaý kórsetilýde. Qajettilik bolǵan jaǵdaida «Qazaqstan temir joly» UK» AQ-y jáne Túrkistan oblysy ákimdigi, demeýshiler esebinen qosymsha 100 vagon bólýge kelisim bar.
Qurǵaqshylyq Túrkistan oblysynda da oryn aldy. Degenmen, búgingi tańda óńirdegi jaǵdai turaqty. Tabiǵi shóp bitik shyqpaǵanyna qaramastan, egistikti ártaraptandyrý orman qoryndaǵy bosalqy jaiylym jerler sharýalardyń ýaqytsha paidalanýyna berý sharalarynyń nátijesinde oblystaǵy mal basyna qajetti 3,9 mln tonna mal azyǵyn 100 % daiyndaýǵa tolyq múmkindikter bar.
