تٷركٸستان قالاسىنىڭ ەكٸمٸ راشيد ايۋپوۆ باق قىزمەتكەرلەرٸنە ارنايى پرەسس-تۋر اياسىندا وبلىس ورتالىعىنداعى جاڭا نىسانداردى تانىستىردى, دەپ حابارلايدى "ۇلت اقپارات" ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
الدىمەن ارنايى توپ ەكٸمشٸلٸك-ٸسكەرلٸك ورتالىعىنداعى «كونگرەسس حولل» كونتسەرت زالىمەن تانىستى. عيماراتتىڭ اۋماعى - 6438 شارشى مەتر. سارايدىڭ بٸرٸنشٸ قاباتىندا 1000 ورىندىق كٶرەرمەن زالى, ەكٸمشٸلٸك ٷي-جايلار جەنە بالالار ويىن بٶلمەسٸ بار. ەكٸنشٸ قاباتتا جينالىس بٶلمەسٸ مەن ەكٸمشٸلٸك ٷي, 400 ورىندىق زال ورنالاسقان.
كەيٸن باق قىزمەتكەرلەرٸ 7000 كٶرەرمەنگە لايىقتالعان «Turkistan Arena» ستاديونىنا ايالدادى. ستاديون عيماراتىندا اكروباتيكا, بوكس, اۋىر اتلەتيكاعا ارنالعان زالدار بار. سونىمەن قاتار, جوعارى بٸلٸكتٸ سپورتشىلاردى دايىنداۋعا ارنالعان تولىققاندى كٷندەلٸكتٸ جاتتىعۋلار ٶتكٸزۋگە جاعدايلار قاراستىرىلعان. تۋر اياسىندا توپ وقۋشىلار سارايىنىڭ قۇرىلىسىمەن دە تانىستى. نىسان اۋماعى 9250 شارشى مەتر. عيمارات 1200 وقۋشىعا ارنالعان. ونداعى تەاتر زالى 400 ادامدى, ال كونفەرەنتس-زال 80 ادامدى قابىلداي الادى.
تٷركٸستان قالاسىندا جاڭا نىساننىڭ بٸرٸ «وتىرار» ىقشاماۋدانىنداعى باسسەينٸ بار سپورت كەشەنٸ. جالپى اۋماعى 3,82 گەكتاردى قۇرايتىن نىسان 1300-دەن استام ادامدى قابىلداي الادى. سپورت كەشەنٸندە كەڭسە بٶلمەلەرٸ, شاعىن فۋتبول, باسكەتبول, ۆولەيبول, گاندبول سيياقتى سپورتتىق ٸس-شارالارعا ارنالعان جاتتىعۋ زالى, سونداي-اق سپورت, يوگا زالى, ٷستەل تەننيس زالى جەنە وليمپيادالىق پارامەترلەرٸ ساي سپورت باسسەينٸ بار.
پرەسس-تۋر اياسىندا قالادا تۋريستەرگە ارنالعان «قابىلداۋ ورتالىعى» تانىستىرىلدى. كەلۋشٸلەردٸڭ نازارىن اۋداراتىن ونداعى قۇندى جەدٸگەرلەر مەن تاريحي كٸتاپتار. ياعني, رۋحاني شاھارعا كەلگەن قوناقتار قابىلداۋ ورتالىعىنا كەلٸپ, تٷركٸستان جايلى تولىق مەلٸمەت الا الادى. وندا تاماقتانۋ ورىندارى, ەلەكتروندى كارتا, ٷش تٷلدە مەلٸمەت بەرەتٸن اۋديوگيد بار. قوناقتار قازاق حاندىعى ينتەراكتيۆتٸ زالىندا كەنەسارى حاننىڭ قىلىشىنىڭ تٷپنۇسقاسى جەنە باسقا دا جاۋىنگەرلٸك كيٸمدەردٸ كٶرە الادى. سونداي-اق, وندا تٷركٸستان وبلىسى اۋماعىنىڭ تاريحي جەرلەرٸ ينتەراكتيۆتٸ تاقتا ارقىلى كٶرسەتٸلەدٸ. سونىمەن قاتار, باق قىزمەتكەرلەرٸ «ەزٸرەت-سۇلتان» تاريحي-مەدەني قورىق مۋزەيٸ ايماعىنداعى «ەتنو اۋىل» جوباسىمەن تانىستى. ەتنو اۋىلدا - قولٶنەر شەبەرحاناسى, شىعىس بازارى, دەستٷرلٸ تاعامدار ايماعى, ۇلتتىق ويىندار الاڭى, مەرەكەلٸك قويىلىمدار الاڭى, اتقا ارنالعان الاڭ ورنالاسقان.
