فوتو: اقوردانىڭ باسپاسٶز قىزمەتٸ
تٷركييا پرەزيدەنتٸ رەجەپ تاييپ ەردوعان استانادا ٶتٸپ جاتقان تٷركٸ مەملەكەتتەرٸ ۇيىمىنىڭ ح سامميتٸندە باۋىرلاس ەلدەردٸ ٶزارا ۆيزا بايلانىسىن جەتٸلدٸرۋگە ٷندەدٸ, دەپ حابارلايدى Kazinform اگەنتتٸگٸ.
«بٸز ٷشٸن تٷركٸ مەملەكەتتەرٸ اياسىنداعى كٶلٸك جەنە ينفراقۇرىلىم باعىتىنداعى جوبالار ٶتە ماڭىزدى. باكۋ-تبيليسي-جەيحان شيكٸ مۇناي قۇبىرى, تابيعي گاز قۇبىرى, ترانساناتولييا قۇبىرى, وسىنىڭ بەرٸ – بٸزدٸڭ ىنتىماقتاستىعىمىزدىڭ ٷلگٸسٸ. كاسپيدٸڭ تابيعي گازىن ەۋروپا مەن تٷركيياعا تاسىمالداۋ جالعاسادى. بۇل جوبا ەۋروپانىڭ ەنەرگەتيكالىق قاۋٸپسٸزدٸگٸ مەن تٷركٸ مەملەكەتتەرٸنٸڭ گٷلدەنۋٸن قامتاماسىز ەتەدٸ. سونىمەن قاتار بٸز كٶلٸك جەلٸلەرٸنە كٶبٸرەك كٶڭٸل بٶلۋٸمٸز كەرەك. وسىنى ەسكەرە وتىرىپ, بٸز ٶزٸمٸزدٸڭ ورتاق كاسپيي-باتىس-شىعىس دەلٸزٸن دامىتۋعا باسىمدىق بەرەمٸز. بٸز ساۋدا مەن كٶلٸك بايلانىستارىنا كەدەرگٸ كەلتٸرەتٸن ولقىلىقتاردى ازايتۋىمىز كەرەك. ياعني, ۆيزا پروتسەستەرٸن جەڭٸلدەتٸپ, كەدەندٸك كەدەرگٸلەردٸ شەشۋٸمٸز كەرەك», - دەدٸ رەجەپ تاييپ ەردوعان.
سونداي-اق ول ورتاق ەلٸپبي مەسەلەسٸ تۋرالى پٸكٸر بٸلدٸردٸ.
«ەرينە, بٸزدٸڭ بٸرلٸگٸمٸز ٷشٸن تٸل مەن ورتاق ەلٸپبي ٶتە ماڭىزدى. بۇل جەردە پرەزيدەنتتەردٸڭ قولداۋى دا ٶتە ماڭىزدى. وسى باعىتتا بٸزدٸڭ جوعارى بٸلٸم كەڭەسٸ ارنايى ۇسىنىستارىن ۇيىم حاتشىلىعىنا ايتتى. ول ۇسىنىستار جوعارى باعالانادى دەپ ٷمٸتتەنەمٸز», - دەدٸ تٷركييا پرەزيدەنتٸ.
ەسكە سالايىق, بٷگٸن استانادا تٷركٸ مەملەكەتتەرٸ ۇيىمىنىڭ ح سامميتٸ ٶتٸپ جاتىر. جيىنعا تٷركييا, ەزەربايجان, ٶزبەكستان, قىرعىزستان پرەزيدەنتتەرٸ ۇيىمعا مٷشە مەملەكەت باسشىلارى رەتٸندە, ماجارستان پرەمەر-مينيسترٸ مەن تٷرٸكمەنستان باسشىسى باقىلاۋشى ەلدٸڭ باسشىلارى رەتٸندە قاتىسادى.
تمۇ سامميتٸ «تٷركٸ دەۋٸرٸ» ۇرانىمەن ٶتەدٸ.
