بٷگٸن حالىقارالىق تٷركٸ اكادەميياسى انكارادا اشىلعان «تٷركٸ ەلەمٸ: تونىكٶك ساياباعى» اۋماعىنا بٸلگە تونىكٶك جازبا ەسكەرتكٸشٸنٸڭ كٶشٸرمەسٸن ورناتتى, دەپ حابارلايدى "ۇلت اقپارات" حالىقارالىق ۇيىمنىڭ سايتىنا سٸلتەمە جاساپ.
تاريحي ماڭىزى زور ەسكەرتكٸشتٸڭ رەسمي اشىلۋ سالتاناتىنا تٷركييا ۇلى ۇلتتىق مەجٸلٸسٸنٸڭ تٶراعاسى مۇستافا شەنتوپ, حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ, تٷركسوي ۇيىمىنىڭ باس حاتشىسى دٷيسەن قاسەيٸنوۆ, انكارا قالاسى التىنداع اۋدانىنىڭ مەرٸ اسىم بالجى, سونىمەن قاتار بٸرقاتار حالىقارالىق ۇيىم باسشىلارى, تٷركييانىڭ بەلگٸلٸ مەملەكەت جەنە قوعام قايراتكەرلەرٸ قاتىستى.
تٷركييا استاناسىنىڭ ورتالىق اۋدانىندا ورنالاسقان ساياباق اۋماعىنا موڭعوليياداعى ورحون ٶزەنٸنٸڭ بويىنداعى VIII عاسىرعا جاتاتىن تونىكٶك جازبا ەسكەرتكٸشٸنٸڭ حالىقارالىق تٷركٸ اكادەميياسى ەزٸرلەگەن دەلمە-دەل كٶشٸرمەسٸ قويىلدى.
وسىلايشا حالىقارالىق تٷركٸ اكادەميياسى مەن التىنداع اۋدانىنىڭ مەريياسى «تٷرٸك تٸلٸ جىلىنا» جەنە يۋنەسكو اياسىندا اتاپ ٶتٸلگەن تونىكٶك ەسكەرتكٸشٸنٸڭ 1 300 جىلدىق مەرەيتويىنا ارنالعان ماڭىزدى شاراعا ۇيىتقى بولدى.
ەسكەرتكٸشتٸڭ سالتاناتتى اشىلۋ رەسٸمٸنە قاتىسىپ, سٶز سٶيلەگەن تٷركٸ اكادەميياسىنىڭ پرەزيدەنتٸ دارحان قىدىرەلٸ: «ٶتكەن جىل تونىكٶك ەسكەرتكٸشٸنٸڭ 1 300 جىلدىق مەرەيتويىنا وراي تٷركٸ ەلەمٸنٸڭ ورتاق ۇيىمى حالىقارالىق تٷركٸ اكادەميياسىنىڭ باستاماسىمەن «بٸلگە تونىكٶك جىلى» دەپ جارييالانعان بولاتىن. تونىكٶك جىلى اياسىندا يۋنەسكو-مەن بٸرلەسە وتىرىپ ۇيىمداستىرعان كٶپتەگەن ٸس-شارالار ەندٸ. وسى باياندى باستاما «تٷركٸ ەلەمٸ: تونىكٶك ساياباعىنىڭ» اشىلۋىمەن ماعىنالى جالعاسىن تاپتى دەۋگە بولادى. اتالعان باستامانىڭ تٷركييا رەسپۋبليكاسىنىڭ پرەزيدەنتٸ رەجەپ تايىپ ەردوعان مىرزانىڭ قاۋلىسىمەن جارييالانعان «تٷرٸك تٸلٸ جىلىنا» تۇسپا-تۇس كەلۋٸ دە ايرىقشا ماڭىزدى. تونىكٶك ەسكەرتكٸشٸن انكارا قالاسىندا ورناتۋ جوباسىنا قولداۋ كٶرسەتكەن التىنداع اۋدانىنىڭ مەرٸ اسىم بالجى مىرزاعا جەنە اشىلۋ سالتاناتىنا ارنايى كەلٸپ قاتىسقان تٷركييا ۇلتتىق مەجٸلٸسٸنٸڭ تٶراعاسى مۇستافا شەنتوپ مىرزاعا شىن جٷرەكتەن العىسىمدى بٸلدٸرەمٸن. ەندٸ انكارالىقتار ٶتٷكەنگە بارماي-اق ابىز تونىكٶك ەسكەرتكٸشٸن ٶز قالاسىندا كٶرە الادى», – دەپ اتاپ ٶتتٸ.
