فوتو: informburo.kz
استانا قالاسىنىڭ ەكٸمٸ جەڭٸس قاسىمبەك تۇرعىنٷي كەشەنٸ اۋلاسىنان سالىنىپ جاتقان Sensata كومپانيياسىنىڭ تۇرعىنٷيٸ قۇرىلىسىن دەرەۋ توقتاتۋدى تالاپ كەتتٸ, دەپ حابارلايدى Ult.kz.
جوبا بويىنشا بۇل جەردە ساياباق بولۋى كەرەك بولعان, الايدا قۇرىلىس كومپانيياسى قۇجاتتى ىسىرىپ قويىپ, قۇرىلىستى جالعاستىرعان.
تۇرعىندار قالا ەكٸمٸنە ٶز قۇقىقتارىنىڭ قورعالۋىن تالاپ ەتٸپ, بٸرنەشە مەرتە شاعىمدانعان. نەتيجەسٸندە قالا باسشىسى استانالىقتاردى قولداپ, قۇرىلىسقا تىيىم سالاتىنىن ايتتى.
"مەن بٷگٸن اۋدان ەكٸمٸ مەن "گازكوم" ورىنباسارىن ول جەرگە بارىپ, قۇرىلىستى توقتاتىپ, بلوك قويىپ, قۇرىلىس الاڭىنان بارلىق تەحنيكانى قۋىپ شىعۋدى جەكە تاپسىرامىن. سوتتىڭ سوڭعى شەشٸمٸ بولمايىنشا ول جەردە ەشقانداي ەرەكەت بولمايدى. سوتتا جەڭٸپ شىعامىز دەپ ٷمٸتتەنەمٸن", - دەدٸ ەكٸم قاتىسقان جيىن بارىسىندا.
Sensata كومپانيياسىنىڭ اتىنان ٶزٸن ماكسيم الەكساندروۆيچ دەپ تانىستىرىپ, سٶز سٶيلەگەن ازاماتقا جەڭٸس قاسىمبەك:
"ماكسيم الەكساندروۆيچ, قۇرىلىسقا تىيىم سالامىن. تۇرعىندار قارسى. سونىمەن بٸتتٸ! باس جوسپاردىڭ اتى - باس جوسپار. ەگەر سٸزدەرگە قاراپ باسقا قۇرىلىس كومپانييالارى دا وسىلاي جۇمىس ٸستەسە بٷتكٸل قالا قۇرىلىسقا تولىپ كەتەدٸ", - دەدٸ استانا ەكٸمٸ ٶز سٶزٸندە.
