«وتباسى بانك» اكتسيونەرلٸك قوعامى ورتالىق فيليالىنىڭ ديرەكتورى جانسۇلتان ماتاي تۇرعىن ٷي جالداۋ سۋبسيديياسىن الۋ تۋرالى ٶتٸنٸش قالاي رەسٸمدەلەتٸنٸن تٷسٸندٸردٸ, دەپ حابارلايدى قازاقپارات.
«حابار» تەلەارناسىنداعى «بٷگٸن» باعدارلاماسىندا «وتباسى بانك» ٶكٸلٸ قازٸرگٸ مەجە بويىنشا باسپانا جالداۋ شىعىنىن سۋبسيدييالاۋ تۋرالى ٶتٸنٸشتەر مامىر ايىندا قابىلدانا باستاۋى مٷمكٸن ەكەنٸن ايتتى.
«قازاقستان بويىنشا 70 مىڭ ادام تۇرعىن ٷي جالداۋ سۋبسيديياسىنا قول جەتكٸزە الادى دەپ جاتىرمىز عوي. وسى 70 مىڭ ادامنىڭ بەرٸنە «وتباسى بانك» وفيستەرٸنە كەلۋدٸڭ قاجەت جوق. بۇل جۇمىستىڭ بەرٸن ونلاين فورماتتا. ٷيدەن شىقپاي وتىرىپ بەرۋگە مٷمكٸندٸك بار», - دەدٸ ول.
ايتۋىنشا, اتالعان قادامداردىڭ بەرٸن رەتتەيتٸن ەرەجە ەلٸ بەكٸتٸلمەگەن. بٸراق جاسالىپ جاتقان نۇسقاسىندا وسىلاي ايتىلعان.
«بٸرٸنشٸدەن, وسى باعدارلاماعا قاتىسۋ تۋرالى ٶتٸنٸم بەرەدٸ. ەكٸنشٸدەن, ٶزٸنٸڭ جەكە باسىنىڭ دەربەس اقپاراتىن «وتباسى بانك» تاراپىنان ٶڭدەۋگە رۇقسات بەرەدٸ. ٷشٸنشٸدەن, ٶزٸنٸڭ زەينەتاقى قورىنداعى قاراجاتىنا بانك اتىنان سۇرانىس جاساۋعا رۇقسات بەرەدٸ. نەسيە العان كەزدە دە سونداي پروتسەدۋرادان ٶتەدٸ. وسى رۇقساتتاردى بەرگەننەن كەيٸن «وتباسى بانك» 6 مينيسترلٸكتٸڭ 16 دەرەكقورىنداعى مەلٸمەتتەردٸ زەردەلەپ, 10 كٷننٸڭ ٸشٸندە ٶتٸنٸشكە جاۋاپ بەرەدٸ. قازٸر ينتەگراتسييا پروتسەسٸ پىسىقتالىپ جاتىر. بۇل جۇمىستاردىڭ بەرٸ تەك ونلاين فورماتتا جٷرەدٸ», - دەدٸ جانسۇلتان ماتاي.
