تۇرعىن ٷي جالداۋ اقىسىن سۋبسيدييالاۋ ەرەجەسٸ مامىر ايىنا قاراي دايىن بولۋى قاجەت. قر ٷكٸمەت باسشىسى ەليحان سمايىلوۆ ٷكٸمەت وتىرىسىندا تيٸستٸ ۆەدومستۆوعا وسىنداي تاپسىرما جٷكتەدٸ, حابارلايدى قازاقپارات.
وتىرىس كەزٸندە ەليحان سمايىلوۆ يندۋسترييا جەنە ينفراقۇرىلىمدىق دامۋ مينيسترلٸگٸنٸڭ ەلدەگٸ تۇرعىن ٷي ساياساتى جٶنٸندەگٸ ۇسىنىستارىن قولدايتىنىن ايتتى.
«سونىمەن بٸرگە مىنا مەسەلەلەردٸ دە اتاپ ٶتۋ قاجەت دەپ سانايمىن.
بٸرٸنشٸ. تۇرعىن ٷي ساياساتىنىڭ جاڭا تەسٸلدەرٸن ەنگٸزۋدٸڭ ماڭىزدىلىعىن ەسكەرٸپ, يندۋسترييا مينيسترلٸگٸ تيٸستٸ زاڭ جوباسىنىڭ پارلامەنتتە دەپۋتاتتارمەن ساپالى ەرٸ جەدەل پىسىقتالۋىن قامتاماسىز ەتۋٸ قاجەت.
ەكٸنشٸ. يندۋسترييا مينيسترلٸگٸ مەن «بەيتەرەك» حولدينگٸ ارەندانى سۋبسيدييالاۋ مەحانيزمٸن ەنگٸزۋ بويىنشا بارلىق ۇيىمداستىرۋ مەسەلەلەرٸ مەن رەسٸمدەردٸ اياقتاپ, وسى جىلدىڭ 1-شٸ مامىرىنا دەيٸن ناقتى ٸسكە اسىرۋعا كٸرٸسۋٸگە تيٸس», - دەدٸ پرەمەر-مينيستر.
ونىڭ ايتۋىنشا, وسى باعىتتاعى رەسٸمدەردٸڭ اشىقتىعىن قامتاماسىز ەتۋ ٷشٸن جاۋاپتى مينيسترلٸك قۇرىلىس سالاسىن تسيفرلىق تەحنولوگييالار ارقىلى رەتتەۋگە ارنالعان زاڭ جوباسىن 1-شٸ سەۋٸرگە دەيٸن ٷكٸمەتكە ەنگٸزۋٸ قاجەت.
«سونداي-اق قۇرىلىس ماۋسىمىن ۋاقتىلى باستاۋدىڭ ماڭىزى زور. ٶڭٸر ەكٸمدەرٸ كٷن جىلىنعان سوڭ قۇرىلىس جۇمىستارىن بارىنشا تەزدەتۋ ٷشٸن ەرتە باستان جەر ۋچاسكەلەرٸن بٶلۋدٸ, جوبالىق قۇجاتتاردى ەزٸرلەۋدٸ, قاجەتتٸ ينفراقۇرىلىمدى جٷرگٸزۋدٸ قامتاماسىز ەتۋٸ تيٸس», - دەگەن ٷكٸمەت باسشىسى بۇل جۇمىستاردىڭ بەرٸن باقىلاۋدى ورىنباسارى رومان سكليارعا تاپسىردى.
