الماتىدا قازاقستان, قىرعىزستان, تەجٸكستان جەنە ٶزبەكستان رەسپۋبليكاسى ٸشكٸ ٸستەر مينيسترلەرٸنٸڭ ەكٸنشٸ كەڭەسٸ ٶتتٸ. بۇل تۋرالى قر ٸشكٸ ٸستەر مينيسترلٸگٸنٸڭ باسپاسٶز قىزمەتٸ حابارلادى.
جيىن بارىسىندا ٸشكٸ ٸستەر ورگاندارىنىڭ قىلمىسكەرلەردٸ ٸزدەستٸرۋدەگٸ ٶزارا ٸس-قيمىلىنىڭ تيٸمدٸلٸگٸن ارتتىرۋ, سونداي-اق شەكارا ماڭىنداعى ٶڭٸرلەر ٸشكٸ ٸستەر ورگاندارىنىڭ بٶتەننٸڭ مٷلكٸن ۇرلاۋعا قارسى كٷرەستەگٸ ىنتىماقتاستىعىن جانداندىرۋ مەسەلەلەرٸ تالقىلاندى.
«بٸزدٸڭ ەلدەرٸمٸز اۋماعىندا قىلمىس جاساعان قاۋٸپتٸ قىلمىسكەرلەردٸ ٸزدەۋ جەنە ۇستاۋ, اۋىر قىلمىستاردى بٸرلەسٸپ اشۋ باعىتىندا كٶپتەگەن جاقسى نەتيجەلەر بار. بٸرلەسكەن ٸس-شارالار ٶتكٸزۋ ٶڭٸردەگٸ جەدەل جاعدايعا وڭ ەسەر ەتەدٸ. بۇل جۇمىس باعىتى بويىنشا تمد شەڭبەرٸندە «ٸزدەستٸرۋ» حالىقارالىق وپەراتسيياسىن (جىل سايىن 2 كەزەڭدە) جٷرگٸزۋ كەزٸندە وڭ تەجٸريبە جيناقتالعانىن اتاپ ٶتكٸم كەلەدٸ. سونىمەن قاتار, بٸرٸنشٸ رەت تٶرتجاقتى فورماتتا بٸزدٸڭ ەلدەرٸمٸزدٸڭ اۋماعىندا مال ۇرلىعى مەن ادام ساۋداسىنا بايلانىستى قىلمىستاردى الدىن الۋعا, جولىن كەسۋگە, انىقتاۋعا جەنە اشۋعا باعىتتالعان «مال ۇرلىعى» (2018 ج. جەلتوقسان) جەنە «ستوپ-ترافيك» (2018 ج. قاراشا) ٷيلەستٸرٸلگەن جەدەل-الدىن الۋ وپەراتسييالارى ٶتكٸزٸلدٸ. وسى وپەراتسييالار اياسىندا حالىقارالىق ٸزدەۋدە جٷرگەن قىلمىسكەرلەر ۇستالدى, شەكارا ارقىلى زاڭسىز ايدالاتىن بٸرنەشە ونداعان باس مال تابىلدى, ادام ساۋداسىنا بايلانىستى 100-گە جۋىق قىلمىس انىقتالدى. شانحاي ىنتىماقتاستىق ۇيىمى شەڭبەرٸندە (8 ەل, ونىڭ ٸشٸندە قازاقستان, قىرعىزستان, تەجٸكستان جەنە ٶزبەكستان كٸرەدٸ) جاقىندا عانا (2019 جىلدىڭ شٸلدەسٸندە) سينتەتيكالىق ەسٸرتكٸلەردٸ جەتكٸزۋ جەنە تاراتۋ ارنالارىنىڭ جولىن كەسۋگە باعىتتالعان «پاۋتينا» ەسٸرتكٸگە قارسى العاشقى وپەراتسييا ٸسكە اسىرىلدى. ٸس-شارا بارىسىندا شىۇ ەلدەرٸنٸڭ اۋماعىندا 1 مىڭنان استام ەسٸرتكٸ قىلمىسى انىقتالدى, 7 تونناعا جۋىق تٷرلٸ ەسٸرتكٸ تەركٸلەندٸ, ەسٸرتكٸ تەرتٸبٸن بۇزعانى ٷشٸن 2 مىڭنان استام ادام ۇستالدى. مەملەكەت (شىۇ) باسشىلارىنىڭ شەشٸمٸ بويىنشا بۇل وپەراتسييا الداعى ۋاقىتتا تۇراقتى تٷردە جٷرگٸزٸلەتٸن بولادى», - دەپ اتاپ ٶتتٸ ەرلان تۇرعىمباەۆ.
سونىمەن قاتار, كەزدەسۋدە بٸرلەسكەن ٸزدەستٸرۋ جۇمىسى ترانسۇلتتىق قىلمىسقا قارسى كٷرەستە بٸزدٸڭ ٸس جٷزٸندەگٸ ٶزارا ٸس-قيمىلىمىزدىڭ ەڭ نەتيجەلٸ نەگٸزٸ بولىپ تابىلاتىنى اتاپ ٶتٸلدٸ. 2019 جىلى ورتالىق ازييا ەلدەرٸنەن ٸشكٸ ٸستەر ورگاندارىنىڭ سۇراۋلارى بويىنشا قازاقستان اۋماعىندا 70-كە جۋىق قىلمىسكەر, ونىڭ ٸشٸندە اسا اۋىر قىلمىس جاساعان قىلمىسكەرلەر ٸزدەستٸرٸلدٸ.
«بٸرلەسكەن ٸزدەستٸرۋ جۇمىستارى اياسىندا قىلمىستىق ٸستەر بويىنشا ناقتى تەجٸريبەلٸك قۇقىقتىق كٶمەك كٶرسەتٸلەدٸ. اعىمداعى جىلى قازاقستاننان قىرعىزستانعا جەنە ٶزبەكستانعا 4 جەدەل-تەرگەۋ توبى باردى. ولاردىڭ بارلىعى ەرٸپتەستەرٸنەن قاجەتتٸ قولداۋ مەن كٶمەك الدى. بۇل ٷشٸن مينيسترلٸكتەردٸڭ باسشىلارىنا ريزاشىلىعىمدى بٸلدٸرگٸم كەلەدٸ. كٶپتەگەن قىلمىستاردىڭ اشىلۋى مەن ٸزدەستٸرٸلٸپ جاتقان قىلمىسكەرلەردٸ ۇستاۋ بٸزدٸڭ ٸشكٸ ٸستەر ورگاندارىنىڭ باسشىلارى مەن قىزمەتكەرلەرٸنٸڭ جەكە بايلانىستارى سالدارىنان مٷمكٸن بولاتىنىنا سەنٸمدٸمٸن. قىلمىسكەرلەردٸ ٸزدەستٸرۋ سالاسىندا بٸزدٸڭ ٶزارا ٸس-قيمىلدىڭ تيٸمدٸلٸگٸن ارتتىرۋ ٷشٸن بٸزدٸڭ بەيٸندٸ بٶلٸمشەلەرٸمٸز اراسىنداعى بايلانىستاردى ودان ەرٸ نىعايتۋ قاجەت», - دەدٸ قازاقستاندىق ٸٸم باسشىسى.
