الماتى وبلىسىنداعى تٷرگەن شاتقالىندا بولعان سۋ تاسقىنىنان كەيٸن دەمالىس ايماقتارىنان 58 ادام, ونىڭ ٸشٸندە 21 بالا مەن 8 شەتەل ازاماتى قاۋٸپسٸز جەرگە كٶشٸرٸلدٸ, دەپ حابارلايدى ult.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, نٶسەر جاۋىننىڭ سالدارىنان تٷرگەن ٶزەنٸنٸڭ دەڭگەيٸ كٷرت كٶتەرٸلٸپ, تٷرگەن – اسى اۆتوجولىنىڭ بٸرقاتار ۋچاسكەسٸن سۋ شايىپ كەتكەن.
سۋ باسقان اۋماقتا 17 كيٸز ٷي ورنالاسقان. سونىمەن قاتار «ۆودنيك» باۋ-باقشا سەرٸكتەستٸگٸندەگٸ تٶرت اۋلانى سۋ باسقان.
قاۋٸپسٸزدٸك ماقساتىندا قۇتقارۋشىلار 58 ادامدى ەۆاكۋاتسييالاعان. ولاردىڭ قاتارىندا 21 بالا جەنە 8 شەتەل ازاماتى بار. ەۆاكۋاتسييالانعان ازاماتتاردى تاسىمالداۋ ٷشٸن تجم-نٸڭ ۆاحتالىق كٶلٸگٸ ۇيىمداستىرىلعان. ۆەدومستۆونىڭ مەلٸمەتٸنشە, زارداپ شەككەندەر جوق.
قازٸرگٸ ۋاقىتتا وقيعا ورنىندا قۇتقارۋشىلار تەۋلٸك بويى جۇمىس ٸستەپ جاتىر. ماماندار سەل قاۋپٸنە تۇراقتى مونيتورينگ جٷرگٸزٸپ, اپات سالدارىن جويۋ جۇمىستارىن جالعاستىرۋدا.
تٶتەنشە جاعدايدىڭ سالدارىن جويۋعا تجم, جەرگٸلٸكتٸ اتقارۋشى ورگاندار جەنە ٶزگە دە قىزمەتتەردٸڭ 300-گە جۋىق مامانى مەن 44 تەحنيكاسى جۇمىلدىرىلعان.
ەسكە سالايىق, بۇعان دەيٸن ەڭبەكشٸقازاق اۋدانى ەكٸمدٸگٸ تٷرگەن – اسى اۆتوجولىنىڭ 25-شاقىرىمىنداعى جول بٶلٸگٸن سۋ باسقانىن حابارلاعان بولاتىن. وسىعان بايلانىستى تۋريستٸك نىسانداردا دەمالىپ جٷرگەن ازاماتتاردى ەۆاكۋاتسييالاۋ جۇمىستارى ۇيىمداستىرىلدى.
